Delegacioni i NATO-s në Manastirin e Deçanit, u njoh me sfidat me të cilat përballen Kisha Ortodokse Serbe dhe serbët në Kosovë
Burim: Kosovo Online
Delegacioni i Komitetit të NATO-s për Politikën Operacionale, i përbërë nga më shumë se pesëdhjetë përfaqësues të shteteve të ndryshme anëtare të Aleancës, vizitoi sot Manastirin e Deçanit.
Delegacionin e priti igumeni i manastirit, arkimandriti Sava, ndërsa gjatë vizitës mysafirët u njohën me historinë e këtij objekti të shenjtë, si dhe me sfidat me të cilat përballen Kisha Ortodokse Serbe dhe populli serb në Kosovë dhe Metohi, thuhet në njoftimin e Manastirit të Deçanit në Facebook.
Atë Sava, siç shtohet, ka shprehur mirënjohje ndaj KFOR-it për mbrojtjen shumëvjeçare të manastirit dhe kontributin në ruajtjen e sigurisë së të gjithë njerëzve që jetojnë në këtë zonë, në përputhje me Rezolutën 1244 të Këshillit të Sigurimit të Kombeve të Bashkuara.
Në kuadër të vizitës, kryetarja e Komitetit të NATO-s për Politikën Operacionale, Sharlot Helengren, ka zhvilluar një bisedë të veçantë me atë Savën.
komentet