Kovaçevski: Nëpërmjet "Ballkanit të Hapur", ne përmirësojmë bashkëpunimin, që gjithashtu forcon besimin reciprok

Maqedonia e Veriut, Serbia dhe Shqipëria në kuadër të nismës "Ballkani i Hapur" po përmirësojnë bashkëpunimin rajonal, duke forcuar kështu besimin reciprok, tha Kryeministri i Maqedonisë së Veriut, Dimitar Kovaçevski, transmeton RTV.

"Ballkani i Hapur dhe Procesi i Berlinit janë nisma rajonale që na afrojnë më shumë dhe janë një nxitje për të mbajtur një fokus të mprehtë në ruajtjen e stabilitetit dhe sigurisë së rajonit, me qëllimin e përbashkët strategjik - integrimin evropian", tha Kovaçevski për gazetën “Politika”, raporton Tanjug.

Kovaçevski theksoi se është në kontakte të rregullta, ndonjëherë të përditshme, me Presidentin serb Alleksandar Vuçiq dhe Kryeministrin shqiptar Edi Rama.

“Kjo miqësi jo vetëm që ka befasuar shumë, por besoj se do të shërbejë si frymëzim për ndërtimin e marrëdhënieve të mira fqinjësore”, tha Kovaçevski.

I pyetur se si mund të dalë paqja nga vorbulla e këtyre ngjarjeve në skenën politike botërore dhe nëse ky është një shans për shtetet e vogla si Maqedonia e Veriut dhe Serbia, të cilat së bashku me Shqipërinë i përkasin nismës “Ballkani i Hapur”, Kovaçevski tha se zgjidhja e çdo pyetje e hapur duhet të jetë ekskluzivisht dialog.

"Është e pakuptueshme që në shekullin e 21 të përdoren armë, të vuajnë njerëz të pafajshëm dhe të vihet në pikëpyetje paqja botërore. Është veçanërisht e papranueshme që një shtet gjeografikisht më i madh të zbatojë forcën kundër një shteti më të vogël të vendosur demokratikisht, duke u përpjekur të kërcënojë pavarësinë dhe integriteti territorial të saj”, nënvizoi Kovaçevski.

Integrimi evropian, siç theksoi ai, është e ardhmja e gjithë Ballkanit Perëndimor dhe shtoi se për vendet që i përkasin atij rajoni, kjo do të thotë përmirësim i cilësisë së jetës së qytetarëve dhe sigurimi i parashikueshmërisë në siguri dhe stabilitet.

"Pas luftës në Ukrainë, u bë e qartë edhe për Bashkimin Evropian. Ne jemi pjesë gjeografike e Evropës dhe kemi nevojë për unitet në politikën e jashtme, veçanërisht kur bëhet fjalë për mbrojtjen e paqes dhe vlerave demokratike. Që gjithë kjo të arrihet në vitin 2030, kjo nuk është larg. Përkundrazi, është një qëllim racional dhe i arritshëm”, tha Kovaçevski.

Në përgjigje të deklaratës se vazhdimi i integrimit evropian të Maqedonisë së Veriut varet nga përmbushja e kushtit bullgar, gjegjësisht propozimit franko-gjerman për zgjidhjen e mosmarrëveshjes ndërmjet Maqedonisë së Veriut dhe Bullgarisë, që nënkupton ndryshimin e Kushtetutës së Maqedoninë e Veriut dhe pyetjen se si e sheh zhvillimin e mëtutjeshëm të integrimeve evropiane, Kovaçevski thekson se vendi po shkon drejt rrugës evropiane, duke shtuar se shqyrtimi bilateral është duke u zhvilluar dhe se këtë vit pret një përparim të ri në integrimet evropiane.

Ai tha se pritshmëritë e tij i mbështet në vendosmërinë e shumicës së qytetarëve të vendit për anëtarësim në BE.

Duke folur për marrëdhëniet ndërmjet Beogradit dhe Shkupit, Kovaçevski thekson se në momente të vështira dalin në pah të drejtat e miqësisë dhe tregon se pandemia dhe kriza ekonomike botërore kanë konfirmuar marrëdhëniet e mira mes dy vendeve.

"Respekti i ndërsjellë krijon një bazë për zhvillimin e mëtejshëm të marrëdhënieve tona të fqinjësisë së mirë. Ne po i zgjidhim bashkërisht të gjitha sfidat e vendosura nga kriza botërore që nga lufta në Ukrainë," tha ai.