Arifi: Kosova “e humbi trenin” për anëtarësim në Këshillin e Evropës

Profesori i Integrimit Evropian Dritero Arifi tha se Kosova "e humbi trenin" për anëtarësim në Këshillin e Evropës, dhe arsyen kryesore pse aleatët e Kosovës nuk e shtynë anëtarësimin e Kosovës në axhendën e Këshillit të Ministrave ai e sheh në faktin se drafti evropian i statutit të Asociacionit të Komunave Serbe nuk iu dërgua në Gjykatës Kushtetuese për vlerësim.

"Ne nuk jemi në axhendë. Nëse do të kishim një qeveri, ndoshta do të kishte shpresë se diçka mund të lëvizte. Sa i përket ambasadës gjermane në Prishtinë, ajo ka njoftuar publikisht se kushtet e deklaruara më parë mbeten në fuqi dhe se ata nuk mund të shtyjnë asnjë axhendë për anëtarësimin e Kosovës në këtë mekanizëm derisa këto kushte të zbatohen", tha Arifi për Kosova Pres.

Ambasada gjermane në Prishtinë njoftoi në prill se Kosova nuk do të jetë në gjendje të bëhet anëtare e Këshillit të Evropës as këtë vit, nëse ai nuk ia dërgon Gjykatës Kushtetuese projektstatutin e AKS të propozuar nga Bashkimi Evropian.