BE e shqetësuar: Nevojiten konsultime para miratimit të ndryshimeve në Ligjin për Odat e Specializuara

Zyra e Unionit Europian në Kosovë ka deklaruar sot se është e shqetësuar për mundësinë se  nesër në parlamentin kosovar do të votohet për ndryshimet në Ligjin për Odat e Specializuara duke thënë se nevojiten konsultime para çfarëdo miratimi në përputhje me obligimet ndërkombëtare të Kosovës.

“Misioni i Unionit Europian në Kosovë me shqetësim ka marrë dijeni për mundëinë se nesër në Kuvendin e Kosovës do të votohet për Ligjin dhe ndryshimet dhe plotësimet e Ligjit për Odat e Specializuara” bëhet e ditur në një publikim në rrjetin social “X“.

Shtohet se ndryshimet e propozuara shkaktojnë shqetësim serioz në vështrimin e obligimeve ndërkombëtare të Kosovës dhe respektimin e parimeve themelore të sundimit të ligjit, veçanërisht pavarësinë e gjyqësorit, mbrojtjen e viktimave dhe dëshmitarëve, vazhdimësinë e të drejtave procedurale dhe përcaktimin efikas të përgjegjësive.

Ndryshimet, vërehet, shkaktojnë shqetësim dhe në vështrimin e kushtetutshmërisë së tyre.

"Qysh kur ligji u kthye në Kuvendin e Kosovës për rishqyrtim, jemi angazhuar aktivisht në përcjelljen e shqetësimeve dhe pritshmërive tona tek autoritetet kosovare. Kjo nënkupton dhe nevojën për konsultime paraprake para miratimit të çdo ndryshimi, në përputhje me obligimet ndërkombëtare të Kosovës", është mesazhi i Unionit Europian.

Deputetët vendosën sot që në rendin e ditës së seancës së parlamentit, të vendoset Projektligji për Ndryshimet në Ligjin për Odat e Specializuara dhe Prokurorinë Speciale me kërkesë të deputetes dhe ushtrueses së detyrës së kryetares së PDK Vlora Çitaku.

Ndërkohë, vazhdimi i seancës së sotme u shty për nesër, pasi deputetët nuk u kthyen në sallë pas pauzës dhe as pas gjysmë ore vonese.

Çitaku megjithatë tha sot se të hënën do të ndërmerren ndryshime të reja në Ligjin për Odat e Specializuara që ky akt të jetë "juridikisht stabil” dhe DPK për çështjen e ndryshimeve në ligj, është e hapur për bisedime me Unionin Europian, aleatët ndërkombëtarë dhe shoqërinë civile.

Ndryshimet në Ligjin për Odat e Specializuara u miratuan në fillim të muajit të kaluar, por pas kësaj Unioni Europian tha se në disa raste se ato bien ndesh me obligimet ndërkombëtare të Kosovës ndaj BE.

Presidentja Kosovare Justina Shiroka Pula ktheu ndryshimet në ligj parlamentit për rivendim, me iniciativën e DPK e cila propozoi këto ndryshime pas dënimit të shkallës së parë të katër ish udhëheqësve të UÇK në Hagë me gjithsej 81 vite burg për krime lufte.

Pasi ndryshimet në ligj u kthyen në parlament, BE këtë veprim e përshëndeti nën mesazhin se pritet që Unioni të konsultohet nëse debati vazhdon në parlament.