Brnabiq: Nuk e kemi hequr moratoriumin, stërvitje me NATO-n në interes të serbëve nga Kosova

Kryeministrja e Serbisë, Ana Brnabiq, ka thënë sot në Kuvend, duke iu përgjigjur shefit të grupit parlamentar të Dveri-t, Boshko Obradoviq, se propozimi franko-gjerman për zgjidhjen e çështjes së Kosovës nuk ka të bëjë as me njohjen dhe as e përmendet diku, thotë ajo.

Obradoviq, në pjesën e seancës në të cilën anëtarët e qeverisë u përgjigjen pyetjeve parlamentare, e pyeti Bërnabiqin se çfarë mendon për marrëveshjen franko-gjermane dhe "njohjen e shtetit të rremë të Kosovës", duke pasur parasysh se, sipas tij, qeveria nuk bëri një deklaratë për këtë, dhe ai gjithashtu pyeti për vendosjen e sanksioneve kundër Rusisë dhe stërvitjen ushtarake me NATO-n në qershor.

Brnabiq tha se Serbia nuk e ka hequr moratoriumin për stërvitjet ushtarake me vendet e tjera, por theksoi se beson se stërvitja me NATO-n është në interes të popullit tonë dhe në interes të serbëve në Kosovë.

Ajo ka deklaruar se marrëveshja franko-gjermane nuk ka të bëjë me njohjen e Kosovës dhe as nuk përmendet.

Ajo i tha Obradoviqit që të pyeste partnerin e tij të koalicionit, presidentin e DSS-së së Re, Millosh Jovanoviq, se çfarë mendon për këtë, pasi ai nuk ka hequr dorë nga shtetësia franceze.

“Ai (Jovanoviq) nuk dëshiron që njerëzit tanë të jenë në BE, por dëshiron që ai të jetë dhe familja e tij të jetë në BE. Të shohim se çfarë mendon ai për marrëveshjen dhe pse nuk e kthen shtetësinë në shenjë proteste“, tha Brnabiq.