Dençiq: Mesazhi kryesor i Koshtës ishte që BE ngelet e përkushtuar për zgjerimin, proçesi i anëtarësimit bazohet në merita

Redaktori i rubrikës së politikës së jashtme në programin e parë të Radio Beogradit Nikolla Dençiq ka thënë për Kosovo onlajn se Antonio Koshta gjatë vizitës në Ballkanin Perëndimor tregoi se dera europiane është e hapur por jo pa kushte, por që anëtarësimi vijon të jetë i bazuar në reforma dhe merita. Kur është fjala për Kosovën dhe Sërbinë, Dençiq theksoi se normalizimi ngelet një prej kushteve kryesore në rrugën europiane dhe pozitive është që nga Beogradi nuk kërkohet njohja e pavarësisë.

“Ajo çka mund të presim dhe çka dhe e dëgjuam nga presidenti i Këshillit Europian, është që BE ngelet e përkushtuar për zgjerimin. Mund edhe t’a dëgjonim dhe sot në Beograd dhe gjatë takimeve të mëparshme ku Koshta shumë herë përsëriti se porta është e hapur” tha ai.

Për Unionin Europian, tha Dençiq, në këtë moment është veçanërisht e rëndësishme që të punohet për integrimin e Ballkanit Perëndimor, por theksoi se dera nuk është e hapur pa kushte.

"Ajo çka mbetet nga mesazhi i Brukselit është se procesi i pranimit vijon të jetë i bazuar në merita, se është e domosdoshme të zbatohen reformat që janë parashikuar dhe se pa këtë nuk do të ketë absolutisht asnjë progres", tha Dençiq.

Ky i fundit kujtoi se Koshta theksoi se për Kosovën dhe Sërbinë normalizimi i marrëdhënieve është një nga kushtet themelore për përparim në rrugën europiane.

"E rëndësishme është që ai termi 'normalizim' që të mos kërkohet nga Beogradi, të paktën në këtë moment, njohje e çfarëdoshme, as vendosje të marrëdhënieve në atë mënyrë, por që është e nevojshme të arrihet marrëveshje në nivel të caktuar. Diçka të tillë mund të dëgjojmë dhe prej aktorëve të tjerë botërorë, pavarësisht nga ajo që nëse ata mbështesin qëndrimin e Sërbisë dhe integritetin e saj territorial apo njohin shtetësinë e vetëshpallur kosovare", vuri në dukje.

Dençiq vlerësoi se mesazhet e Koshtës ishin pozitive dhe inkurajuese, por gjithashtu vuri në dukje lodhjen mes shteteve kandidate për shkak të zgjatjes së procesit.

"Po presim shumë gjatë, procesi po zvarritet shumë gjatë, kështu që është e rëndësishme që këto mesazhe të përsëriten dhe të shpresojmë që në ndonjë moment ato vërtet të vijnë deri në realizimin e tyre, tha ai, duke shtuar se egziston mundësia që për masa më konkrete të diskutohen në samitin BE-Ballkani Perëndimor në Tivat", tha Dençiq.

Sipas fjalëve të tij, Tivati ​​mund të bëhet fjalë për modele të reja zgjerimi, lloj të ri negociatash apo lloj të ri anëtarësimi. Dençiq gjithashtu u pajtua me vlerësimin e Antonio Koshtës se shpeshtimi i takimeve BE-Ballkani Perëndimor është gjë pozitive.

"Mund të dëgjojmë javët e fundit se me të vërtetë po shqyrtohet koncept i ri i zgjerimit, që është propozuar nga kancelari gjerman, ndonëse ishte kritikuar madje dhe në vetë vendin dhe gjithashtu nga disa liderë europianë. Për tani është diçka që ndodhet në tryezë, ndoshta nuk po flasim për anëtarësim me të drejta të plota, ndoshta kjo do të ndodhë në mënyrë tjetër, por vendet tona do të integroheshin", tha ai.

Ai vuri në dukje se nuk pret që kjo të jetë tema kryesore e samitit, por që pret zgjidhje konkrete për çështje të tjera, përfshirë heqjen e romingut.

"Sigurisht që do të ketë diskutime për të ardhmen dhe mënyrën e zgjerimit të ardhshëm, por besoj se për vendime finale duhet të presim ndonjë samit të ardhshëm të liderëve europianë për dhe këto vendime me shumë gjasa do të merren në Bruksel, kur liderët më të rëndësishëm të mblidhen në një vend", shtoi Dençiq.

Duke folur për mesazhet që Antonio Koshta u përcolli zyrtarëve kosovarë, Dençiq tha se ai theksoi nevojën për të përshtatur retorikën.

"Është e padiskutueshme që egziston votim, se egziston fitues në zgjedhje, por fakti është se BE sigurisht që nuk mund të jetë e kënaqur me atë çka ndodh për më shumë se një vit, se kriza politike është me të vërtetë e madhe", tha Dençiq.

Ai vuri në dukje se Kosova vazhdon të mos ketë statusin e vendit kandidat, por vlerësoi se, nëse qëllimi është nisja e rrugës europiane, kreu politik në Prishtinë duhet të korrigjojë qëndrime të caktuara dhe t'i përshtatë ato me standardet europiane.