Gjuriq: Serbia mbështet deeskalimin urgjent të tensioneve në Lindjen e Mesme

Ministri i Punëve të Jashtme të Serbisë, Marko Gjuriq, njoftoi se Serbia mbështet deeskalimin urgjent të tensioneve në Lindjen e Mesme dhe dënon fuqishëm sulmet e Iranit ndaj sovranitetit dhe integritetit territorial të vendeve të Gjirit.

Gjuriq në rrjetin social “X” shprehu solidaritet me partnerët, duke theksuar se siguria e Lindjes së Mesme ka rëndësi globale.

“Serbia gjithashtu dënon fuqishëm sulmet e Iranit ndaj sovranitetit dhe integritetit territorial të vendeve të Gjirit – Emiratet e Bashkuara Arabe, Katari, Bahrejni, Kuvajti dhe Arabia Saudite. Çdo përshkallëzim e destabilizon më tej rajonin tashmë të brishtë”, theksoi Gjuriq.