Inspektorati Qendror ndërhyri edhe në objektin e Postës së Serbisë në Shtërpcë

Pas marrjes nën kontroll të objektit të Postës së Serbisë në Graçanicë, Inspektorati Qendror për Mbikëqyrjen e Tregut ka hyrë edhe në ndërtesën e postës në Shtërpcë.

Me asistimin e policisë lokale, zyrtarët e Inspektoratit Qendror morën objektin, e më pas hoqën tabelën e Postës së Serbisë pranë hyrjes së ndërtesës dhe vendosën tabelën e Postës së Kosovës.

Mbështetje logjistike u ofrua nga policia lokale, ndërsa njësitë speciale nuk dolën në terren.

Punonjësit e Postës së Kosovës sot në mëngjes, të shoqëruar nga Policia e Kosovës dhe Inspektorati Qendror për Mbikëqyrjen e Tregut, morën nën kontroll objektin e Ndërmarrjes Publike Posta e Serbisë në Graçanicë.