Posta e Kosovës merr në posedim objektin e mbyllur të NP "Posta e Serbisë" në Graçanicë

Punonjësit e Postës së Kosovës sot, të shoqëruar nga Policia e Kosovës dhe Inspektoratit Qendror për mbikëqyrjen e tregut, kanë marrë në posedim objektin e NP "Posta e Serbisë" në Graçanicë.

Para objektit është vërejtur një numër më i madh policësh me uniformë dhe civilë. I pranishëm ka qenë edhe drejtori i Postës së Serbisë në Kosovë dhe Metohi, Ivan Millojeviq.

Ndërkohë, godina e Postës së Serbisë në Graçanicë ishte mbyllur më 15 janar 2025, kur pjesëtarët e Policisë së Kosovës kishin hyrë në atë objekt, por edhe në objekte të tjera të Postës së Serbisë dhe organeve të përkohshme në Kosovën qendrore. Atëherë punonjësit kishin lënë vendet e tyre të punës.