Knezheviq: Millatoviq duhet t'i respektojë qytetarët të cilët konsiderojnë se Kosova është pjesë e Serbisë

Kryetari i Partisë Popullore Demokratike dhe një nga liderët e Frontit Demokratik, Millan Knezheviq, tha se nuk mendon se Serbia do ta njohë pavarësinë e Kosovës, duke shtuar se Jakov Milatoviq si president i sapozgjedhur i të gjithë qytetarëve të Malit të Zi, duhet të respektojë edhe qytetarët që konsiderojnë se Kosova është pjesë e Serbisë, shkruan Vijesti.

Knezheviq tha se duan të jenë partnerë me ata që duan të luftojnë kundër trashëgimisë së Partisë Demokratike të Socialistëve (DPS) dhe se është e rëndësishme që ata që e festuan fitoren e Millatoviqit me flamurin trengjyrësh, këngë për Kosovën dhe bashkimin me Serbinë, të dëgjojnë nëse ka është një kuadër bashkëpunimi me frontin demokratik, ashtu siç ekziston në nivel lokal.

Ai tregon se kanë vendosur moratorium për çështjet që i ndajnë dhe thekson se Brukseli nuk mund të jetë më afër tij se sa Beogradi, sado që ta shtypin.

Knezheviq pyeti presidentin Jakov Millatoviq, kryeministrin Dritan Abazoviq dhe liderin e demokratëve Alleksa Beçiq, a mund të angazhohen që të gjithë do të formojnë një shumicë parlamentare pas 11 qershorit, pavarësisht kësaj sa vota kush e fitoi në zgjedhje.

Si shembull të një praktike të tillë ai përmendi Podgoricën, ku qeveria mund të formohet edhe pa Lëvizjen Qytetare URA (Aksioni i Bashkuar Reformues), e cila megjithatë ishte e ftuar të marrë pjesë në qeveri.

Ai tha se nuk ka pengesa, jo vetëm për të formuar qeverinë, por edhe për të shkuar së bashku në zgjedhje.

Ai pretendon se ka një narrativë se nga njëra anë është një bllok i sofistikuar civil dhe nga ana tjetër një "blloku pa dhëmbë klero-fashist" dhe se ata nuk duan të negociojnë mbi ato baza.

Knezheviq thotë se vlerësojnë se Mali i Zi është shtet i pavarur dhe anëtar i NATO-s dhe se nuk do ta rishqyrtojnë këtë çështje.

Ai ofroi që Fronti Demokratik të marrë nga URA menaxhmentin e sektorit të sigurisë dhe departamentit të planifikimit hapësinor dhe se në këmbim do t'i japin të gjitha vendet e tyre "në thellësi".