Kozarev: Dolën në sipërfaqe disa aspekte të incidentit me Osmanin, lufta e hapur e VLEN dhe BDI

Dekani i Fakultetit të Shkencave Juridike, Marrëdhënie Ndërkombëtare dhe Diplomacisë nga Shkupi Atanas Kozarev tha se incidenti në Shkup me presidenten e Kosovës Vjosa Osmani ka disa aspekte dhe se ai politik tregon për luftë të hapur mes VLEN-it dhe BDI-së.

“Qëllimi i politikanëve tanë është të ndërtojmë marrëdhënie të mira mes dy vendeve, ne jemi fqinjë dhe në këtë kontekst mendoj se ngjarje të tilla mund të hapin vetëm disa kuti të Pandorës që nuk janë realisht të nevojshme për momentin. Aspekti politik lidhur me këtë ngjarje na tregoi në sipërfaqe se lufta mes frontit të VLEN-it dhe BDI-së 'fronti evropian' është ende e hapur”, tha Kozarev për Kosovo online.

Ai sqaron se incidenti me Vjosa Osmanit shkaktoi një problem të madh për politikanët, diplomatët dhe ekspertët e sigurisë.

“E gjithë kjo në një mënyrë hapi dilemën nëse reagimi ishte i justifikuar dhe nëse ai reagim ka ndonjë mesazh që dërgon, si në raport me politikanët tanë, me skenën tonë politike ashtu edhe në Kosovë”, vlerëson ky ekspert.

Duke theksuar aspektin e sigurisë, ai shpjegon se siguria e Maqedonisë së Veriut dhe e Aeroportit të Shkupit po bëjnë përpjekje të mëdha për të rritur sigurinë për shkak të aktiviteteve të mundshme terroriste dhe se ato procedura vlejnë për të gjithë, përfshirë edhe pasagjerët.

“Në atë këndvështrim, mendoj se ajo që ka ndodhur, të cilën ne si publik kemi arritur ta zbulojmë, është një ngjarje që nuk ka asnjë shenjë pozitive, por hap pyetje të caktuara që kanë prapavijë politike. E kanë prekur me të vërtetë aspektin e sigurisë, sepse kontrolli i sigurisë i të gjithë pasagjerëve, jo vetëm në aeroportin tonë, por kudo në botë, është çështja numër një, pavarësisht se kush është. Duhet të investojmë shumë në cilësinë e sigurisë, si në vetë aeroportin, ashtu edhe për të gjithë ata që kalojnë apo janë në tranzit”, thotë Kozarev.

Ai shton se pas notës së dërguar diplomatike, të gjithë presin që hetimi të largojë të gjitha spekulimet që vënë në pikëpyetje marrëdhëniet mes Maqedonisë së Veriut dhe Kosovës.

Në këtë këndvështrim ai e sheh edhe vizitën e djeshme të kryeministrit Albin Kurti në Shkup.

“Me vizitën, Kurti i jep shenjë qeverisë sonë se marrëdhëniet mes dy vendeve janë më se normale, se miqësia po thellohet”, vlerëson ky ekspert.

Ai shton se incidenti vetëm sa e thelloi krizën mes partive shqiptare si në Maqedoninë e Veriut ashtu edhe në Kosovë.

“Opozita në Maqedoni dhe unë besoj në Kosovë e shfrytëzoi këtë moment për të treguar se kush është kush. Konflikti ka të bëjë me legjitimitetin. Sa kontribuon realisht udhëheqja aktuale e VLEN-it për të treguar fuqinë e saj me angazhimin dhe përfshirjen e saj në këtë rast banal, i cili mund të jetë projektuar për të marrë një lloj reagimi si ajo që po ndodhë këtu në skenën politike. Çdo ditë dëgjojmë akuza mes Frontit Evropian dhe VLEN-it, sidomos në lidhje me këtë çështje, madje edhe me pyetje konkrete: kush qëndron pas sjelljes së presidentit të Kosovës, kush qëndron pas sjelljes së anëtarëve të TAV-së dhe policëve të Aeroporti Ndërkombëtar në Shkup për të marrë pikë. Ju garantoj se policia maqedonase në nivelin më të lartë kujdeset për sigurinë e qytetarëve tanë si dhe të të gjithë të huajve që arrijnë apo janë në tranzit përmes aeroportit ndërkombëtar në Shkup”, përfundon Kozarev.