Lacmanoviq: Si e trajtojmë Kosovën, ashtu janë partitë tona

Si e trajtojmë Kosovën, ashtu janë partitë tona, apo si janë partitë tona, kështu e kemi ne në Kosovë, vlerëson për Kosovo online Predrag Lacmanoviq nga agjencia Faktor plus, duke komentuar faktin se në listat zgjedhore për zgjedhjet parlamentare në Serbi ka shumë pak kandidatë nga Kosova.

Lacmanoviq thekson se ato rryma politike që janë të gatshme për kompromis dhe që besojnë se Kosova është e humbur, "vetëm që nuk e thonë aq qartë, por aludojnë", mendojnë se është një mënyrë shumë më e mirë dhe më e lehtë dhe se beteja tashmë është e humbur.

“Por duke bërë kështu humbasin pikë politike. Nuk mund të fitosh simpatitë e shumicës së qytetarëve për këtë, prandaj partitë e tilla nuk kanë një perspektivë më të madhe. Tani kemi një opozitë të bashkuar, e cila është një përzierje e partive dhe liderë që nuk janë pro njohjes së Kosovës, dhe as koncesioneve që po i kërkon Bashkimi Evropian për planin franko-gjerman, ndërsa në të njëjtin grupim keni parti që janë të gatshme të shkojnë në atë rrugë. Këtu janë disi të hutuar votuesit, nuk e di se si do ta shohin gjithë këtë dhe si do të ndikojë në vlerësimet e atyre partive. Thjesht, mesazhe konfuze pasqyrohen më vonë në rezultatet e zgjedhjeve”, thotë Lacmanoviq.

Duke folur për përpjekjet e ndryshme të partive për t'u afruar me votuesit nga Kosova gjatë fushatës zgjedhore, kur bëhet fjalë për parti si Zavetnici dhe Dveri, bashkëbiseduesi ynë na kujton se këto janë parti të djathta dhe se nuk është as e çuditshme dhe as e pavend për përfaqësuesit e tyre të merren më shumë me temën e Kosovës.

“Sidoqoftë, Çuta apo përfaqësuesit e atij blloku, nuk kemi shpesh mundësi t'i shohim në atë kontekst, por supozoj se po dëgjojnë opinionin publik dhe në këtë mënyrë po korrigjojnë veprimet e tyre në vetë fushatën. Nuk e di sa vota do te marrin, por nuk besoj qe as t'i dekurajojne, madje eshte e deshirueshme - te shkojne e te shohin, ndoshta nuk jane ne dijeni te gjendjes reale. Ndoshta kur te shkoni mes njerëzve, bisedoni me ta, besoj se do të mësojnë diçka, dhe ndoshta do të ndryshojnë qëndrim ose do t'i kushtojnë më shumë vëmendje kësaj çështjeje”, thotë Lacmanoviq.

Ai paralajmëron se mënyra se si e trajtojmë Kosovën ndikon se çfarë partish do të kemi.

“Është një qasje laike, dikush themelon një parti, ka disa ide të veta, përpiqet të fitojë sa më shumë vota, të zërë poste të caktuara në vend, përdor Kosovën si një element shumë të rëndësishëm në çdo fushatë, por thjesht si shumë gjërat në vendin tonë ofertat janë reflektim edhe i qeverisë edhe i partive, është reflektim i popullit tonë, pra si e trajtojmë Kosovën, kështu janë partitë tona, apo si janë partitë tona, kështu ndihemi ne në Kosovë. “, përfundon Lacmanoviq.