Mojsiloviq: U përcaktuan udhëzime sigurie në lidhje me situatën në Kosovë

Shefi i Shtabit të Përgjithshëm të Serbisë, Millan Mojsiloviq, njoftoi se në seancën e Këshillit të Sigurisë Kombëtare u diskutua situata në rajon, siguria në Kosovë, si dhe u arritën udhëzime dhe përfundime mbi hapat e mëtejshëm që duhet të ndërmerren nga Serbia dhe autoritetet kompetente.

"Jemi dëshmitarë të keqtrajtimit të serbëve jo vetëm në veri, por në tërë Kosovën dhe Metohinë. Zbatimi i lëvizjeve të paprecedentë unilateralë, të cilët kërcënojnë drejtpërdrejt jetën dhe shëndetin e pakicave, në këtë rast të serbëve në KdheM, në kuptimin politik dolën në pah nga institucionet e përkohshme në Prishtinë, dhe kjo çështje meritoi plotësisht vëmendjen jo vetëm të anëtarëve të Këshillit të Sigurisë Kombëtare, por edhe më gjerë, në aspektin e përcaktimit të përfundimeve, direktivave dhe udhëzimeve për punën tonë të mëtejshme", tha Mojsiloviq.

Ai shtoi se Presidenti Aleksandar Vuçiq i prezantoi ata me dokumentin jozyrtar të hartuar nga Franca dhe Gjermania.

“Presidenti i Serbisë na prezantoi dokumentin e përgatitur nga Franca dhe Gjermania. Është një dokument non-pejper që lidhet drejtpërdrejt me Bosnjën dhe Hercegovinën dhe e ndërlikon më tej pozicionin e Republikës Srpska”, tha Mojsiloviq.

Ai shtoi se anëtarët e Këshillit të zgjeruar të Sigurisë Kombëtare ishin gjithashtu në dijeni të përmbajtjes së dokumentit dhe se janë përcaktuar udhëzimet se në cilin drejtim Serbia do ta çojë këtë çështje.

Në fund, ai theksoi se detyrat për Forcat e Armatosura të Serbisë, Ministrinë e Mbrojtjes dhe Ministrinë e Brendshme janë përcaktuar saktësisht.

"Prandaj, nëpërmjet përfundimeve dhe direktivave të sotme, institucionet dhe organet kompetente kanë përcaktuar qëndrimet e tyre operative ndaj sfidave që na presin", tha Mojsiloviq.