Prenkaj: Gjashtë muaj mungesë e vullnetit dhe vizionit politik për gjetjen e zgjidhjes

Ish ambasadori i Kosovës në Itali, Albert Prenkaj, duke komentuar për Kosovo Onlajn mossuksesin e sotëm të formimit të qeverisë "Kurti 3", bën të ditur se gjatë gjashtë muajve të fundit aq sa zgjat proçedura për konstituimin e Kuvendit të Kosovës, ishim dëshmitarë të mungesës së vullnetit dhe vizionit politik për të gjetur zgjidhjen e nevojshme dhe se votimi i sotëm konfirmoi atë që thanë përfaqësuesit e shumë partive, dhe kjo është se nuk do t’a mbështesnin Albin Kurtin.

"Në varësi të interesave të tyre, deputetët nga komunitetet jo-shumicë janë ndarë në kampe të ndryshme politike. Gjatë gjashtë muajve të zbatimit të procedurës për konstituimin e parlamentit të Kosovës, kemi qenë dëshmitarë të mungesës së vullnetit dhe vizionit politik për të gjetur zgjidhjen e nevojshme, çka çoi në ndërhyrjen e Gjykatës Kushtetuese në disa raste. Ndërkohë, Kosova po përballet me sanksione ndërkombëtare nga Bashkimi Europian, si dhe me pezullimin e partneritetit strategjik me SHBA për më tepër, janë vendosur vija të kuqe për Albin Kurtin", thotë Prenkaj.

Vëren se mungesa e koordinimit të qeverisë “Kurti 2” me aleatët strategjikë dhe sponsorët e Kosovës dhe shtetësisë së saj, si dhe kryerja e funksioneve të publike të dyfishta në kundërshtim me vendimin e Gjykatës së Lartë të Kosovës, çoi “deri në mungesë të arsyes të pushtetit".

Ajo çka vjen më pas, sikurse spegon Prenkaj, është që presidentja Vjosa Omani t’ia dorëzojë mandatin mandatuesit tjetër.

“Nëse mandatari i ri nuk paraqitet, atëherë shpërndahet parlamenti dhe do të shpallen zgjedhje të reja. Duhet të përmend faktin se votimi për nënkryetarin e parlamentit nga ana e komunitetit sërb, u përcoll për shqyrtim në Gjykatën Kushtetuese nga ana e Listës Sërbe. Kështu që pritet vendimi i Gjykatës Kushtetuese, ku me gjasa mund të deklarojë se Parlamenti nuk u konstituua për shkak të kryerjes jokushtetuese të votimit”, konkludoi Prenkaj.

Seanca e sotme e Kuvendit të Kosovës nuk rezultoi me formimin e Qeverisë sepse Kurti i cili kishte mandatin për formimin e qeverisë nuk siguroi mbështetje të mjaftueshme pra 61 vota të deputetëve.