Stano: Pritjet e BE-së janë formuluar qartë në deklaratën e 27 vendeve anëtare të Unionit

Zëdhënësi i BE-së Peter Stano deklaroi sot se pritjet e Bashkimit janë formuluar qartë në deklaratën e përbashkët të 27 vendeve anëtare dhe theksoi se synimi i BE-së është të vazhdojë të zhvillojë dialogun aty ku i takon, pra në tryezën e bisedimeve, jo në publik dhe në media.

Në konferencën për shtyp në Bruksel, Stano tha se anëtarët e BE-së ishin shumë të qartë për atë që prisnin, si dhe për mënyrën se si të arrihet përparim në dialog.

“Tani i takon të dyja palëve, Serbisë dhe Kosovës, të bëjnë përpjekjet më të mëdha për të arritur progres”, tha Stano.

Ai thekson se nuk do të prezantojë detaje në konferencë për media për shkak se BE nuk i zhvillon negociatat në publik.

Ai tregon se BE ka një rol ndërmjetësues në dialog dhe një rol si ndërmjetës për të ndihmuar Serbinë dhe Kosovën të arrijnë kompromisin e nevojshëm që do të çojë në normalizimin e marrëdhënieve të tyre.