Stano: Së shpejti do të mbahet takimi i kryenegociatorëve të Beogradit dhe Prishtinës

Zëdhënësi i BE-së, Peter Stano, tha se i dërguari i BE-së për dialog planifikon të organizojë sa më parë një takim të negociatorëve kryesorë të Beogradit dhe Prishtinës në procesin e dialogut, raportonë Reporteri.

Stano theksoi se takimi do të jetë vazhdimësi e bisedimeve të nisura më 26 tetor.

“I dërguari i BE-së planifikon të organizojë së shpejti një takim në nivelin e negociatorëve kryesorë për të vazhduar diskutimet për përmirësimin e zbatimit të Marrëveshjes për Normalizimin e Marrëdhënieve, pas takimit jozyrtar për mbështetjen e dialogut më 26 tetor”, tha Stano për Reporterin.

Presidenti serb Aleksandar Vuçiq dhe kryeministri i Kosovës Albin Kurti u takuan në Bruksel më 26 tetor, në margjinat e Samitit të Këshillit të Bashkimit Evropian, me Presidentin e Francës, kryeministrat e Gjermanisë dhe Italisë, si dhe me Presidentin e Këshillit të Bashkimi Evropian. Me kreu i diplomacisë evropiane dhe të dërguarin për dialogun Miroslav Lajçak.