Staroviq: Duke i vendosur kushte BKS-së, Kurti e refuzon me paturpësi një iniciativë të re evropian

Kërkesat e pakuptimta dhe në çdo rast të pazbatueshme me të cilat Albin Kurti kushtëzon formimin e Bashkësisë së Komunave Serbe në thelb paraqesin refuzimin e tij ndaj një nisme të re evropiane, pasi asnjë marrëveshje e re nuk mund dhe nuk do të arrihet pa themelimin paraprak të BKS, tha për Kosovo Online Nemanja Staroviq, sekretar shtetëror në Ministri e Mbrojtjes e Qeverisë së Serbisë.

Kryeministri i Kosovës, Albin Kurti, dje në seancën e Kuvendit në Prishtinë ka paraqitur gjashtë kushte për formimin e Bashkësisë së Komunave Serbe.

Krahas qëndrimeve të paraqitura më herët, si ai që Bashkësia duhet të jetë në përputhje me kushtetutën dhe ligjet e Kosovës dhe se nuk mund të jetë njëetnik, të cilat Kurti tani e ka përkthyer në kushte, ai kushtëzon formimin e BKS-së ndër të tjera, me ndryshimin e emrit dhe me faktin se presidenti i Serbisë të tërheq letrat e dërguara zyrtarëve të pesë vendeve anëtare të BE-së që nuk e njohin Kosovën, në të cilat kërkohet që të mos pranojnë kërkesën e Prishtinës për anëtarësim në BE.

“Duke marrë parasysh faktin se përfaqësuesit e SHBA-ve dhe vendeve të tjera të të ashtuquajturit Quintit tashmë kanë filluar të aplikojnë masa ndëshkuese ndaj Prishtinës për refuzimin e formimit përfundimisht të BKS-së, në formë të ndalimit të procesit të anëtarësimit të Kosovës në Këshillin e Evropës, mund të presim që ky pengim i pacipë i Albin Kurtit të rezultojë në masa të mëtejshme politike të Quintit ndaj kryeministrit të institucioneve të përkohshme të vetëqeverisjes, prandaj do të ishte krejtësisht e gabuar të lehtësohej pozita e Albin Kurtit dhe regjimi i tij në Prishtinë me refuzimin tonë a priori të nismës së re evropiane, e cila do të mundësonte shpërndarjen e barabartë të përgjegjësisë për dështimin nga të dyja palët”, thotë Staroviq.

Siç shton, ai beson se përgjigja e Serbisë ndaj provokimeve të Kurtit duhet të jetë një politikë e mençur, e menduar dhe e udhëhequr taktikisht në mënyrë të patëmetë dhe i takon liderit të Lëvizjes Vetëvendosje, siç thotë ai, që përfundimisht të përballet me pasojat e ngurtësisë së tij, qasje dogmatike dhe pa kompromis ndaj realitetit politik.