Staroviq: Qëllimi përfundimtar i Kurtit është të fillojë një spirale të përshkallëzimit të konfliktit

Sekretari Shtetëror në Ministrinë e Mbrojtjes së Serbisë, Nemanja Staroviq, ka thënë se gjithçka që kemi qenë dëshmitare prej ditësh, incidente thuajse të përditshme dhe dhuna ndaj serbëve në veri e Kosovës e Metohisë, tregon se situata është e paqëndrueshme, transmeton Pink.

“Situata në të cilën kemi dislokimin e vazhdueshëm të atyre njësive të militarizuara shqiptare mono etnike të policisë së Kosovës, të cilat nuk janë as të trajnuar e as të pajisur për të kryer detyra nën juridiksionin e patrullës së rregullt apo policisë rrugore, është një formë e frikësimit të populli serb”, tha Staroviq.

Siç saktësoi ai, bëhet fjalë për forcat speciale që qëllojnë fillimisht, pastaj kërkojnë leje shoferi dhe qarkullimi.

“Qëllimi përfundimtar i Albin Kurtit është të fillojë një spirale përshkallëzimi, duke pasur parasysh se në atmosferën e psikozës së luftës që ka pushtuar Evropën, kur ndodh një konflikt serioz, logjika e diplomacisë përfundon atje dhe logjika e luftës hyn në skenë”, ka thënë Staroviq.

Kryetari i Komisionit të Qeverisë së Serbisë për Persona të Zhdukura, Velko Odalloviq, duke folur për sulmet e fundit ndaj serbëve në Kosovë e Metohi, thotë se e vetmja gjë e pazakontë që ka ndodhur është se policia e Kosovës ka pranuar se ka qëlluar Millan Jovanoviqin.

Odalloviq tha se edhe kjo nuk do të kishte ndodhur nëse nuk do të kishte presione të dukshme.

“Më duket se një sërë incidentesh, sulmesh, arrestimesh duhet të kenë shkaktuar ndonjë reagim. Më në fund u zgjuan. Zyrtarët ndërkombëtarë u përgjigjën “me gjysmë goje”, por dërguan disa mesazhe dënimi. Më duket se dikush ka pasur autoritet të mjaftueshëm për ta bërë Prishtinën të bëjë atë që duhet të bëjë”, tha Odalloviq për Pink.
Odalloviq theksoi se nuk e përjashton mundësinë e provokimeve të reja për Pashkët dhe shprehu shpresën se kjo nuk do të ndodhë.