Vasiq: Sllagjan Trajkoviqit i është vazhduar paraburgimi edhe për dy muaj

Avokati Dejan Vasiq ka konfirmuar për Kosovo online se klientit të tij, të arrestuarit Sllagjan Trajkoviq, i është vazhduar paraburgimi edhe për dy muaj.

“Gjykata Themelore në Prishtinë sërish ia vazhdoi masën e paraburgimit Sllagjan Trajkoviqit edhe për dy muaj dhe në të njëjtën kohë caktoi gjykimin dhe fillimin e gjykimit të tij para trupit gjykues të ri për datën 25 të muajit aktual. Ne po mundohemi që në këtë fazë para gjykimit të sigurojmë dokumentacion të plotë, të cilin Prokuroria Speciale refuzon ta dorëzojë”, tha ai.

Vasiq theksoi se gjyqtari i mëparshëm në këtë rast ishte në anën e prokurorisë.

"Ne e kundërshtuam këtë. Presim që anëtarët e rinj dhe kryetari i këshillit të kenë më shumë veshë për respektimin e dispozitave ligjore, asgjë tjetër. Në thelb, ne nuk kërkojmë më shumë se kaq, përveç se respektohen të drejtat tona ligjore për mbrojtje dhe na lejohet trajtim i barabartë me Prokurorinë Speciale, se kemi prova që edhe ata i posedojnë”, tha Vasiq.