Vuçiq me Fergusonin: Serbia mbetet e përkushtuar për forcimin e marrëdhënieve me Mbretërinë e Bashkuar

Presidenti i Serbisë, Aleksandar Vuçiq, u takua me ambasadorin e Mbretërisë së Bashkuar, Edvard Ferguson.

Vuçiq tha se ka biseduar me Fergusonin për çështjet kyçe të bashkëpunimit dypalësh, si dhe për potencialin e punës në projekte dhe nisma të përbashkëta.

“Shkëmbyem mendime edhe për çështje aktuale politike, situatën në Serbi dhe rajon, si dhe për tema të tjera me rëndësi të ndërsjellë. Përsërita se Serbia mbetet e përkushtuar në forcimin e marrëdhënieve me Mbretërinë e Bashkuar në të gjitha fushat me interes të përbashkët. Jam i bindur se shkëmbimi i vizitave në nivel të lartë dhe më të lartë do të forconte më tej lidhjet tona dhe do të hapte rrugën për rezultate konkrete dhe përmirësim të bashkëpunimit në të ardhmen,” deklaroi presidenti Vuçiq.