Vuçiq me Pezeshkian: Sërbia përshëndet ndërprerjen e operacioneve të armatosura dhe vendimin që të çon drejt paqes

Presidenti i Sërbisë Aleksandar Vuçiq bisedoi në telefon me presidentin e Iranit Masud Pezeshkian të cilit i përcolli se Sërbia përshëndet ndërprerjen e operacioneve të armatosura mes Iranit dhe SHBA.

“Bisedë e mirë dhe e çelët me presidentin Pezeshkian gjatë së cilës i theksova se Sërbia përshëndet ndërprerjen e operacioneve të armatosura dhe vendimet e guximshme politike që të çojnë drejt uljes së tensioneve, dialogut dhe paqes së qëndrueshme, si dhe vijimin e bisedimeve dhe bashkëpunimit”, shkruan Vuçiq në Instagram.

Ky i fundit vuri në dukje rëndësinë e rindërtimit të zonave të prekura dhe kthimit të zhvillimit ekonomik në qendër të prioriteteve politike e sociale, sepse pikërisht stabiliteti, përparimi ekonomik dhe ndërlidhja e shteteve, janë themelet më të forta të paqes, si për Lindjen e Mesme ashtu edhe për bashkësinë ndërkombëtare në përgjithësi.

Vuçiq tha se Sërbia do të vijojë të mbështesë çdo përpjekje të përgjegjshme drejt botës së drejtë, të paqtë dhe të sigurt, të bindur se zgjidhjet afatgjata ndërtojnë dialogun, respektin e ndërsjellë dhe kompromisin.

“Shkëmbyem opinionet dhe për tema të tjera aktuale, rajonale e globale, si dhe rreth rëndësisë së ruajtjes së paqes, stabilitetit dhe sigurisë ndërkombëtare në kohën e sfidave të mëdha gjeopolitike”, shtoi Vuçiq.

Irani dhe SHBA para disa ditësh nënshkruan Memorandumin e mirëkuptimit ndërsa gjatë fundjavës u pasuan me bisedime në Zvicër. Raundi i parë i bisedimeve u mbyll pasi presidenti amerikan Donald Tramp sërish kërcënoi publikisht autoritetet në Teheranu. Delegacionet e nivelit të lartë, braktisën Zvicrën ndërsa negociatat do të kalojnë tek ekipet teknike.