Vuçiq: Shqetësim i madh, madje edhe frikë, për situatën në Kosovë

Presidenti serb Aleksandar Vuçiq ka deklaruar sot në Nju Jork se është shumë i shqetësuar për situatën në Kosovë, sepse gjithçka që po ndodh flet qartë për qëllimet e vërteta të Albin Kurtit.

“Kam pasur edhe takime jozyrtare këtu me shumë përfaqësues të SHBA-ve. Nuk dua të flas publikisht për ato takime, por u kam përcjellë një shqetësim të madh, pak frikë, për ngjarje të mundshme në të ardhmen në Kosovë dhe Metohi”, u tha Vuçiq gazetarëve.

Ai tha se është i shqetësuar që datat që Prishtina zgjedh për disa lëvizje të saj, mënyra dhe gjuha që përdorin, arrestimet, flasin mjaft qartë dhe pa mëdyshje për qëllimet e Albin Kurtit.

Rreth deklaratës së Stanit: Mirëmëngjesi, Kolombi!

I pyetur për deklaratën e zëdhënësit të Bashkimit Evropian, Peter Stano, se BE po monitoron nga afër situatën në veri dhe se formimi i BKS-së është i nevojshëm menjëherë, Vuçiq është përgjigjur shkurt dhe me ironi:

"Mirëmëngjesi, Kolombi!"

Për hetimin ndaj Menendez për ryshfet: Është e qartë se lobimi për Kosovën nuk ishte i kotë

Në përgjigje të deklaratës se mëngjesin e sotëm në mediat amerikane u lajmërua se ndaj senatorit Robert Menendez u hap një hetim federal për ryshfet, Vuçiq ka kujtuar se ky njeri është lobisti më i madh shqiptar, pra lobisti kosovar në Kongresin Amerikan.

“Ishte e qartë, nga pasioni dhe gjuha që përdorte, se nuk ishte e kotë. E kapën hajdutin, po bëjnë hetim federal, kështu shkon... Hajdutët gjithmonë nisin nga vetja. Kështu është edhe në Serbi”, tha Vuçiq.

"Ja, vendet u rreshtuan për të dëgjuar Millanoviqin dhe për të njohur Kosovën"

Me rastin e thirrjes së presidentit kroat Zoran Millanoviq në Asamblenë e Përgjithshme të OKB-së drejtuar vendeve që të njohin Kosovën, Vuçiq theksoi me ironi:

“Unë i shoh këto 100 shtete (që nuk e njohin Kosovën) të rreshtuar për ta dëgjuar atë... Të gjithë po shtyjnë, aty qëndrojnë në qoshe duke pritur të konfirmojnë pavarësinë e Kosovës...”