Vuletiq: Votimi i rezolutës “mundje” e Perëndimin dhe i pjesën tjetër të botës do të prodhojë një “reaksion zinxhir” në rajon

Sociologu Vladimir Vuletiq tha se votimi në Asamblenë e Përgjithshme të OKB-së do të përfaqësojë një lloj "mundjeje" dhe do të tregojë ekuilibrin e fuqisë midis Perëndimit dhe të ashtuquajturit blloku sovranist i vendeve, por se ai është më i shqetësuar se miratimi i këtij dokumenti mund të prodhojë një "reaksion zinxhir" në rajon në raport me Serbinë.

“Do të jetë në njëfarë mënyre, megjithëse nuk po flitet tani, një lloj mundjeje mes Perëndimit dhe këtyre vendeve me orientim sovranist si Rusia dhe Kina. Në këtë kuptim, megjithëse nuk ka të bëjë me ne, sepse ne jemi maja e peshores që do të tregojmë se si janë gjërat në botë. Kësaj nuk i gëzohem dhe do të preferoja të mos ishim aty, por kjo është situata tani”, tha Vuletiq për Kosovo online.

Duke komentuar epilogun e mundshëm të votimit në Asamblenë e Përgjithshme të OKB-së, Vuletiq thotë se Rezoluta për Srebrenicën, nga njëra anë, ka rëndësi rajonale, mbi të gjitha për serbët dhe pozicionin e Republikës Srpska, por se rëndësia e saj duhet interpretuar shumë më gjerësisht, sepse balanca e fuqive në arenën ndërkombëtare do të tregohet përmes rezultateve.

“Nuk mund të pritet unanimiteti, kjo në vetvete është problem për ata që e iniciuan, por ata e dinin këtë. Por unë mendoj se përfundimi është si vijon. Nëse rezoluta nuk merr mbështetjen e më shumë se gjysmës së vendeve që do të votonin 'pro', atëherë do të tregojë se nismëtarët, e kam fjalën kryesisht Perëndimin, janë në një problem që ky rend global nuk është më diçka që ata munden ta kontrollojn në mënyrë të konsiderueshme. Mirëpo, nëse del se ata kanë më shumë se gjysmën, rreth 100 vota, do të thotë se ata ende arrijnë të mbajnë kontrollin në pjesën më të madhe të botës përmes presioneve ekonomike dhe politike në mënyra të ndryshme”, thekson Vuletiq.

Ai vlerësoi se miratimi i rezolutës mund të ngrejë edhe një herë çështjen e përgjegjësisë së Serbisë për ngjarjet në Bosnje dhe Hercegovinë, si dhe akuzat për gjenocid.

“Kur flasim për rajonin, ajo që kam frikë është se rezoluta mund të japë krahë, municion për të ngritur sërish çështjen e përgjegjësisë së Serbisë për gjenocidin. BdheH e ka bërë tashmë këtë. Nuk mund të ndodhte më, por gjithmonë mund të shfaqej një vend i tretë sponsorizues ose bashkësponsor që mund ta vendoste në rendin e ditës një çështje të tillë. Kjo do të varet kryesisht nga vlerësimi nëse duart e Serbisë janë shtrënguar mjaftueshëm apo nëse ajo ende po përpiqet të rezistojë. Unë mendoj se kjo do të jetë një pyetje e madhe. Natyrisht, kur bëhet fjalë për hapat e mëtejshëm, para së gjithash ekziston një rrezik për Republikën Srpska”, tha Vuletiq.

Ai përkujtoi se me ndryshimin e administratës amerikane dhe ardhjen e Joe Biden në krye të SHBA-ve, disa politikanë me ndikim të udhëhequr nga Madeleine Albright dhe Daniel Server paraqitën synime të qarta sa i përket fatit të mëtutjeshëm të Ballkanit Perëndimor, por edhe të Kosovës.

“Ata vendosën synime të qarta që Kosova të fitojë pavarësinë e plotë nga Serbia, që Republika Srpska dhe fuqitë e saj të reduktohen në një nivel që do të mundësonte organizimin unitar të Bosnjës dhe Hercegovinës”, tha Vuletiq.

Ai supozon se kjo temë është bërë aktuale për shkak të zgjedhjeve, por edhe për shkak të marrëdhënieve me Rusinë.

“Nëse nuk mund ta mposhtim Rusinë, ndoshta mundemi dikë që e etiketojmë si aleatin e saj. Duhet pranuar që në Republika Srpska kjo nuk vihet në dyshim”, ka përfunduar Vuletiq.