Protestë e re e opozitës në Tiranë

Partia Demokratike dhe mbështetësit e saj mbajtën mbrëmjen e të dielës edhe një protestë ndaj qeverisë së kryeministrit Edi Rama. Qindra  demonstrues u tubuan para zyrës sê kryeministrit nê  bulevardin "Dêshmorêt e Kombit" dhe hodhên fishekzjarre, bomba molotovë dhe lëndë të tjera piroteknike drejt fasadës së godinës qeveritare. 

Policia e cila kishte marrë masa të shumta qê të kontrollonte situatên, u pêrgjigj me gaz lotsjellës dhe ujë me presion. Kryetarin e Partisë Demokratike Sali Berisha e mbronin truprojat e tij ndërsa mbante maskê dhe çadër. 

Policia gjithashtu mori masa për të mbrojtur Vilën me numêr 31 shtëpinë e ish diktatorit  Enver Hoxha e cila u sulmua nê protestat e mëhershme nga ana e demonstruesve madje i vunë zjarrin ku në të u hodhën aparate për shuarjen e zjarrit.

Pas protestës para zyrës qeveritare, demonstruesit shkuan në drejtim té Bashkisë së Tiranës. Kësaj here nuk pati fjalim të liderit opozitar, por vetëm protestë ndaj asaj çka opozita e quan korrupsion qeveritar kundër mbrojtjes  ku sipas pretendimeve të tyre, kryeministri Rama shoreh për ish ndihmës kryeministren  Belinda Balluku dhe zyrtarëve të tjerë që janë akuzuar nga drejtësia e re.