Banorët e Shtërpcës dy muaj pas ndalimit të dinarit në Kosovë: Situata sa vjen e përkeqësohet

Situata në komunën e Shtërpcës dy muaj pas dekretit të BQK-së për ndalimin e përdorimit të dinarit është gjithnjë e më e vështirë. Më të vështirë e kanë të moshuarit dhe personat e pafavorizuar social, të cilët e kanë të vështirë të shkojnë në Serbinë qendrore për të ardhurat e tyre mujore.

Me kalimin e kohës, gjendja me dinarin po bëhet gjithnjë e më e vështirë për banorët e Shtërpcës, dhe fakti që nuk ka mallra serbe nëpër dyqane dhe nuk ka ilaçe nga prodhuesit serbë.

Svetozar Janiqijeviq tregon se është në një situatë të vështirë, sidomos për shkak se ka një grua për të cilën kujdeset dhe për të cilën nuk mund të marrë ilaçe siç ka bërë deri më tani në barnatoret e vendit.

“Është shumë e vështirë, unë kam gruan që nuk kujdeset dot për veten dhe merr kujdesin në shtëpi, dhe ne të dy kemi përfitime sociale, është shumë e vështirë, nuk kemi para të shkojmë në vendkalimin administrativ, shpresojmë për më të mirën dhe se diçka do te zgjidhet 90% e mallrave serbe nuk jane ne dyqane, per mua me e keqja eshte se nuk ka medikamente nga Serbia qe i perdor gruaja ime, por zevendesues nga Kroacia, Sllovenia, por nuk eshte kaq, çdo mjek rekomandon që gruaja ime të marrë ilaçet që ka përdorur më parë, ne duhet të shkojmë në Serbi për të marrë barnat me recetë”, tha Janiqijeviq.

Stojanka Davidoviq tregon se në periudhën paraprake i ka shpenzuar të gjitha paratë që ka pasur dhe se nuk ka mundësi të shkojë në vendin më të afërt në Serbi për t'i tërhequr paratë.

“Është muaji i tretë që as unë, as djali im nuk kemi të ardhura, kam shpenzuar atë që kam pasur, nuk mund të shkoj në Serbi se nuk kam asgjë, nuk marr dot ilaçe, marr ilaçe maqedonase, sepse kush do ma sjellë nga Serbia”, thotë Davidoviq.

Mita Gjurinac tregon se kjo situatë është veçanërisht e vështirë për pensionistët

"Për të shkuar në Serbi, duhet të paguajmë një taksi. Nuk është aspak mirë për ne pensionistët, madje as për të tjerët që punojnë në arsim dhe shëndetësi," thotë Gjurinac.

Momçilo Staletoviq nga Berevaci thekson se nuk ka dinarë, dhe vëren se në dyqane nuk ka mallra serbe dhe nuk ka ilaçe.

“Është e vështirë sepse duhet të udhëtojmë në Bujanoc apo kudo që është më afër, kështu që ju shpenzoni para dhe ne jemi plakur dhe nuk mundemi. Mungojnë mallrat serbe, së pari nuk kemi plazma për fëmijë dhe nevoja të tjera, dhe më e keqja është se nuk ka para, kështu që nuk mund të blejmë”, thotë Staletoviq.