Loxha: Premtimet megalomane të fushatës, jo të llogaritura mire

Hulumtuesja në Grupin për Studime Ligjore dhe Politike, Arbëresha Loxha, vlerësoi se premtimet e partive për rritjen e pagave të dhëna gjatë fushatës nuk ishin llogaritur mirë për sa i përket ndikimit buxhetor dhe ekonomik.

Sipas saj, edhe në të kaluarën, rritjet e pagave nuk ishin domosdoshmërisht në përputhje me trendin e zhvillimit ekonomik të Kosovës ose me kriteret që Kosova duhet të përmbushë në kuadër të detyrimeve ndërkombëtare, përfshirë marrëveshjet me Fondin Monetar Ndërkombëtar.

"Edhe në të kaluarën, kur pagat u rritën, ato nuk ishin domosdoshmërisht në përputhje me trendin e zhvillimit ekonomik ose me kriteret që Kosova duhet të përmbushë kur përmbush detyrimet ose marrëveshjet e saj me FMN-në. Këto premtime nuk janë të llogaritura mirë, si për sa i përket ndikimit buxhetor ashtu edhe ekonomik. Shumica e premtimeve bëhen për të tërhequr vëmendjen e votuesve dhe për të arritur përfitime në aspektin e zgjedhjeve", tha Loxha për Kosova Press.

Sipas vlerësimit të tij, qytetarët votojnë më shumë për bartësit e listës zgjedhore, dhe jo domosdoshmërisht për një plan të qartë politik.

"Në përgjithësi, partitë politike nuk paraqitën programe të vërteta, nëse mund të them kështu, për shkak të faktit se ato nuk paraqitën një perspektivë të qartë dhe të mirëmenaxhuar të zhvillimit. Ato bënë premtime që ishin sporadike në fusha të ndryshme, pa një lidhje të qartë. Kryesisht premtime megalomanike që qytetarët në përgjithësi donin t'i dëgjonin", deklaroi Loxha.