Avokati i të plagosurit Boban Gjuziq: Hetimi është në vazhdim, pres që të ngrihet aktakuza

Avokati Vasillije Arsiq do ta përfaqësojë Boban Gjuziqin nga Vitina, i cili dje u godit me thikë nga shqiptarët në fshatin Mogillë, thotë se ende janë duke u mbledhur provat, pas së cilës pret që të ngrihet akuza kundër sulmuesit.

Arsiq, i cili është angazhuar nga Zyra për Kosovë e Metohi, thotë se procedura është në vazhdim.

"Sot rashë në kontakt me familjen. Njësitë hetimore janë duke bërë punën e tyre dhe shpresoj që së shpejti të ngrihen akuza kundër sulmuesve", tha Arsiq për Kosovo Online.

Ai shton se pret që të gjitha institucionet në Kosovë ta bëjnë punën e tyre, sepse nuk është hera e parë që ndodh diçka e tillë.

“Kjo nuk është hera e parë që po ndodh, ata duhet ta marrin këtë problem më seriozisht”, tha Arsiq.

Babai i të riut të plagosur, Ivica Gjuziq, ka falënderuar Zyrën për Kosovë e Metohi që i ka ndihmuar dhe ka angazhuar një avokat për të përfaqësuar djalin e tij.

"Jam shumë mirënjohës, kjo është gjithçka për ne. Fatkeqësisht, kam dëgjuar që një nga sulmuesit është liruar, pothuajse pati konflikt", thotë Gjuziq.

Më herët, Gjuziq, pasi ka dëgjuar se njëri nga sulmuesit është liruar pas arrestimit, ka kërkuar nga shteti i Serbisë që ta ndihmojë, për shkak se familja nuk është në gjendje të angazhojë përfaqësues ligjor në këtë rast, dhe Zyra për Kosovë e Metohi është përgjigjur menjëherë dhe gjeti një avokat që do të përfaqësojë familjen Gjuziq.