Andoni: Kurti po përpiqet të përhapë ndikim në rajon, eksperimenti i tij në Shqipëri dështoi

Gazetari dhe analisti shqiptar Ben Andoni thotë se kryeministri i Kosovës Albin Kurti po përpiqet të zgjerojë ndikimin e tij në ‘Luginën e Preshevës’, që u pa në zgjedhjet në Preshevë dhe Bujanoc, si dhe në Maqedoninë e Veriut, ndërsa ndikimi i tij në Shqipëri siç tregon ai, ka filluar të dështojë pasi eksperimenti i tij në zgjedhjet në Shqipëri nuk mori vlerësimin e duhur.

"Ngjarjet e fundit, veçanërisht zgjedhjet në Maqedoninë e Veriut dhe zgjedhjet e fundit të mbajtura në Serbi, tregojnë për një ndikim të jashtëzakonshëm të Kurtit. Mbi të gjitha, në koalicionin "Vlen" në Maqedoninë e Veriut, ku njerëzit e tij arritën të sigurojnë pjesëmarrje në qeveri. Kjo nuk u prit mirë në Maqedoninë e Veriut, veçanërisht nga Ali Ahmeti”, thotë Andoni për Kosovo online.

Marrëdhëniet mes Kurtit dhe kryeministrit shqiptar Edi Rama, shton ai, prej një viti janë në një lloj ngrçi të madh, pasi ideja e Ramës është e njëjtë me atë të Kurtit, sepse edhe ai dëshiron të zgjerojë ndikimin e tij në të gjithë hapësirën shqiptare.

“Rama është kryeministër i një vendi të madh dhe synimi i tij është të largojë vëmendjen nga problemet e brendshme të vendit dhe qëllimi i Kurtit është të largojë vëmendjen nga një pjesë e politikës së brendshme dhe një sërë dështimesh në ekonomi. Unë e besoj se kjo do të përkeqësohet në të ardhmen sepse qytetarët janë më të interesuar për politikën e brendshme sesa për atë që po ndodh jashtë”, thotë Andoni.