Antonijeviq: Heqja e tabelave cirilike në veri të Kosovës është një poshtërim i panevojshëm i komunitetit serb

Juristi Millan Antonijeviq thotë se heqja e tabelave të vjetra dhe vendosja e tabelave të reja me emrat e vendeve në veri të Kosovës është një poshtërim i hapur dhe i panevojshëm i komunitetit serb në Kosovë.

Ky është me të vërtetë një poshtërim i hapur dhe i panevojshëm i komunitetit serb në Kosovë”, ka shkruar Antonijeviq në platformën “X”.

Me asistencën e Policisë së Kosovës, punëtorët e angazhuar nga Ministria e Infrastrukturës sot kanë nisur heqjen e tabelave me shkrim cirilik dhe vendosjen e të rejave - në gjuhën shqipe dhe serbe, por në latinisht.

Deri më tani emrat e vendbanimeve shkruheshin me shkrim cirilik dhe tani në vend të tyre vendosen tabela të reja.

Pjesëtarë të Policisë së Kosovës janë me punëtorët që po lëvizin nga drejtimi i Rudarit në drejtim të Jarinjës.

Punëtorët po heqin tabelat me emrat e vendeve në të cilat deri më tani emrat e vendeve ishin të shkruara në cirilik, e më pas në latinisht në gjuhën serbe dhe në vend të tyre vendosin të reja ku emri i vendit shkruhet fillimisht shqip, e më pas serbisht, por me shkrimi latinisht.