Brnabiq: Prishtina demonstron forcë çdo ditë, Kurti dëshiron një Kosovë etnikisht të pastër

Kryetarja e Kuvendit të Serbisë, Ana Brnabiq, ka thënë se kryeministri i Prishtinës, Albin Kurti, dëshiron ta ketë Kosovën etnikisht të pastër dhe se synimi i tij është që të dëbojë të gjithë serbët, raporton RTV.

“Është një situatë e vështirë, sigurisht e dhimbshme, është e vështirë ta shikosh, e lëre më të vuash që je pjesëtar i popullit serb në Kosovë e Metohi. Diplomacia po bën punën e saj, Aleksandar Vuçiq po lufton, së shpejti do ta dimë se çfarë do të bëjm”, ka thënë Brnabiq gjatë vizitës në Pink me rastin e deklaratës së djeshme të Vuçiqit se shteti do të dalë me kërkesa dhe masa konkrete në 72 orët e ardhshme për shkak të arrestimeve të reja të serbëve në Kosovë.

Ajo tha se Prishtina e demonstron forcën e saj në Kosovë çdo ditë ndaj popullit serb.

E pyetur nëse mund të ndalet terrori i Albin Kurtit, Brnabiq theksoi se tani për të gjithë është e qartë se çfarë është përsëritur kaq shumë, se qëllimi i vetëm i Kurtit është të dëbojë të gjithë serbët nga Kosova.

“Ai dëshiron të ketë një Kosovë etnikisht të pastër, e cila është pjesë integrale e Republikës së Serbisë në përputhje me të drejtën ndërkombëtare dhe me Kartën e Kombeve të Bashkuara. E gjithë bota e sheh atë (çfarë po ndodh në KdheM), si dhe të gjithë në Serbi. E shoh se disa, si dhe disa lobues të NATO-s, kanë përsëri vetëm fjalë lavdëruese për Albin Kurtin, por e di se çfarë po ndodh dhe po ndodh në sfond, se si po zhvillohet lufta e vështirë dhe e lodhshme diplomatike nga presidenti Aleksandar Vuçiç, natyrisht kryeministri Millosh Vuçeviq dhe të gjithë njerëzit relevantë në qeverinë e Republikës së Serbisë”, tha Brnabiq.

Ajo theksoi se është një luftë e vështirë, por duhet të përpiqemi të bëjmë maksimumin për të ruajtur paqen.

"Ne nuk mund t'ia japim popullit tonë dhe këtë e tha qartë dje Aleksandar Vuçiq. Po ashtu mezi pres drejtimin publik të Presidentit Vuçiq dhe udhëzimet e qarta për ne dhe komunitetin ndërkombëtar se si do të vazhdojmë për këtë çështje”, tha Brnabiq.