Brnabiq: Shpresoj se BE do të arrijë Kurtin, sepse serbët në Kosovë nuk kanë as minimumin e të drejtave

Kryeministrja e Serbisë, Ana Brnabiq, ka shprehur sot shpresën se Bashkimi Evropian dhe bashkësia ndërkombëtare disi do t'ia dalin sukses të arrijnë Albin Kurtin, sepse serbët në Kosovë nuk gëzojnë as “minimumin” e të drejtave të njeriut.

Brnabiq, duke komentuar deklaratën e Kurtit në Forumin Strategjik të Bledit se po ndryshon disponimi i pesë vendeve të BE-së që nuk e miratojnë Kosovën, tha se Kurti po thotë atë që ai beson se shqiptarët në Kosovë duan të dëgjojnë dhe ndoshta atë që ai vetë beson, por që është larg realitetit.

“Kur thotë se Kosova është një histori suksesi, do të theksoja vetëm një fakt, e ai është se 23 vjet pas përfundimit të konfliktit të armatosur, sipas të dhënave të UNHCR-së, territori i Kosovës dhe Metohisë mbetet rajoni me të kthyerit më pak nga të gjitha zonat e pas konfliktit në botë. Imagjinoni të gjitha luftërat në botë dhe të keni territorin e Kosovës ku vetëm 1.89 për qind e njerëzve janë kthyer pas luftës. Dhe ai thotë se është një histori suksesi”, ka shpjeguar Brnabiq në një deklaratë për gazetarët.

Ajo po ashtu ka deklaruar se në përgjigje të fjalëve të Kurtit se “Kosova është fener i demokracisë dhe sundimit të ligjit”,se mund të japë dy shembuj që tregojnë se si duket kur je serb apo joshqiptar në Kosovën e Kurtit.

“Vetëm që nga fillimi i këtij viti, gjashtë pjesëtarë të popullit serb janë pushkatuar dhe asnjë hetim tjetër nuk është nisur, askush nuk është në burg, paraburgim. Nuk ka drejtësi nëse qëlloni serbët në Kosovë. Një shembull tjetër është se ju keni një shqiptar që është pjesëtar i Forcave të Sigurisë së Kosovës, i cili qëlloi një djalë njëmbëdhjetë vjeçar dhe një 21 vjeçar në ditën para Krishtlindjeve. Ai është i lirë. Nga ana tjetër, një nga serbët, i cili është ende në paraburgim, është arrestuar me akuzën e ndërtimeve pa leje. Ai është në paraburgim për gati dy vjet”, ka theksuar kryeministrja e Serbisë.

Brnabiq theksoi se kështu duket feneri i shtetit ligjor dhe demokracisë.

“Ai beson në këtë, nuk mund të bëj asgjë kundër, por mendoj se duhet t'i përmbahemi të dhënave konkrete, shembujve, që të shohim se si jetojnë serbët në Kosovë. Edhe gjatë korrikut, i dërguari gjerman për Ballkanin, i dërguari i vendit që është një nga ithtarët më të rëndësishëm të pavarësisë së Kosovës, Manuel Saracin, tha se diçka duhet të ndryshojë sepse serbët në Kosovë po vuajnë tmerrësisht. Ky është pikërisht termi që ai përdori. Kurti nuk dëshiron ta dëgjojë. Shpresoj që së paku BE dhe bashkësia ndërkombëtare disi t'ia dalin sukses të arrijnë Kurtin, sepse serbët në Kosovë dhe Metohi nuk kanë as minimumin e të drejtave të njeriut”, nënvizoi ajo.

E pyetur për të drejtat e shqiptarëve në jug të Serbisë, Brnabiq tha se shqiptarët në jug të Serbisë qendrore kanë shumicën e të drejtave, të drejtat e njeriut.

“Është e pamundur që dikush të qëllojë një shqiptar në Preshevë dhe Bujanoc dhe të mos përgjigjet për këtë. Është e pamundur që në dy vitet e fundit të keni 400 sulme ndaj shqiptarëve dhe asnjë person të mos mbajë përgjegjësi. Në Serbi , kjo është e pamundur. Nga ana tjetër, po ta shohësh Kosovën për të cilën flet Kurti, nuk është vetëm e mundur, por e përditshme. Vetëm në territorin e Republikës së Kosovës mund të përjetoni arrestimin, ndalimin dhe nuk e dini pse, askush nuk e di se ku jeni, përfaqësuesi juaj ligjor nuk e di se ku jeni. Kjo është e mundur vetëm në territorin e Kosovës dhe Metohisë”, ka theksuar Brnabiq.

E pyetur për euroskepticizmin në Ballkan, për të cilin foli në panel, Brnabiq shpjegoi se arsyeja e parë është se procesi po zgjat kaq shumë dhe nuk i duket fundi, dhe e dyta është se kriteret vazhdimisht ndryshojnë.

“Ne kemi përmbushur gjithçka që është e nevojshme për hapjen e Klasterit 3 – ekonomia dhe konkurrueshmëria, në dy raportet e fundit të progresit, Komisioni Evropian rekomandon të gjitha shtetet anëtare që të japin pëlqimin për hapjen e atij grupi, i cili është jashtëzakonisht i rëndësishëm për ne dhe - asgjë nuk ndodh. Ndërkohë filloi lufta në Ukrainë. Kur i plotësuam të gjitha kriteret, nuk kishte luftë në kontinentin evropian”, theksoi ajo.

Brnabiq tha se kërkesat në ndërkohë po ndryshojnë, kështu që tani dëgjohet se një nga kërkesat është harmonizimi i politikës së jashtme dhe të sigurisë, që nuk ka të bëjë fare me Klasterin 3, dhe përveç kësaj, vëren ajo, do të ishte retroaktive dhe në kundërshtim me kuadrin e procesit të negociatave, sepse vendi duhet të përafrohet me politikën e jashtme dhe të sigurisë në momentin kur bëhet anëtar i BE-së.

“Qëllimet po ndryshojnë vazhdimisht, ata lëvizin shtyllat e golit që po gjuan. Është diçka që i irriton njerëzit. Nga ana tjetër, vendi më i mirë për Serbinë është anëtarësimi i plotë në BE”, shtoi ajo.

E pyetur për të komentuar deklaratën e presidentit të Këshillit të BE-së, Charles Michel për zgjerimin e BE-së në vitin 2030, ajo tha se më herët Ballkanit Perëndimor iu tha se strategjia e zgjerimit parashikon pranimin në vitin 2025.

“Nuk dua të tingëlloj si pesimist dhe as të fus euroskepticizëm shtesë, sepse mendoj se integrimi evropian është i rëndësishëm për vendin dhe qytetarët tanë dhe se duhet të gjejmë një mënyrë për ta realizuar më shpejt. Duhet të punojmë. me BE-në që të kenë zhvillime më konkrete. Ai proces, përveç statusit të kandidatit për BeH, nuk ka marrë kurrsesi rëndësi në dy vitet e fundit”, theksoi ajo.

Brnabiq kujtoi se rreth 65 për qind e investimeve në Serbi vijnë nga vendet e BE-së, se 70 për qind e eksporteve janë drejt BE-së.

“Prioritetet tona duhet të jenë ruajtja e BE-së dhe Ballkanit Perëndimor”, nënvizoi ajo.