Burjani: Blinken në Tiranë për paqen në Ballkan dhe rolin e Shqipërisë në NATO

Analisti politik Blerim Burjani tha se vizita e Sekretarit Amerikan të Shtetit Anthony Blinken në Shqipëri është e veçantë dhe se i referohet vetëm atij vendi.

Burjani tha për Kosovo online se Blinken do të flasë në Shqipëri për rolin e vendit në NATO, paqen në Ballkan, luftën kundër korrupsionit dhe tema të tjera të brendshme.

“Mendoj se axhenda e Blinkenit ka të bëjë vetëm me Shqipërinë dhe se është një vizitë speciale. I dërguari amerikan do të ketë konsultime për tema më të mëdha si paqja në Ballkan dhe roli i Shqipërisë në NATO në këto rrethana. Kosova nuk është problem më i madh se Republika Sërpska dhe BeH. Mendoj se në Shqipëri do të diskutohet për Strukturën e Posaçme për luftën kundër korrupsionit, si dhe për disa tema të brendshme politike”, tha Burjani.

I pyetur se pse Blinken nuk do ta vizitojë Kosovën gjatë vizitës së tij në Ballkan, ai tha se Kosova nuk është problem më i madh se BeH dhe Republika Sërpska.

“Kosova është aleati më i madh i SHBA-ve, por disa tema nuk mund të trajtohen siç mendojnë në disa qarqe ndërkombëtare. Kuti ka një politikë tjetër për veriun e Kosovës, dëshiron që sa më shpejt t'i zgjidhë problemet me Serbinë”, ka shtuar Burjani.

Siç theksoi ai, problemet ndërmjet Serbisë dhe Kosovës duhet të zgjidhen sa më parë.

"Duhet të dihet nëse Kosova ka problem me Beogradin apo me serbët në Kosovë. Nëse problemi është me serbët në Kosovë, duhet gjetur një zgjidhje, nëse problemi është Beogradi, tashmë është shumë i komplikuar”, ka përfunduar Burjani.