Deputetja e Bundestagut: Përshkallëzimi i konfliktit të shkaktuar nga vendimet e Kurtit duhet të marrë fund

Deputetja e Partisë së Majtë në Bundestagun gjerman dhe Kryetarja e fraksionit të majtë në Komisionin e Mbrojtjes, Zhakllin Nastiq, thotë se përshkallëzimi i konfliktit të nxitur nga vendimet e Kryeministrit të Kosovës, Albin Kurti, duhet të marrë fund.

Nastiq deklaroi në Twitter se njerëzit e Ballkanit kanë përjetuar mjaft vuajtje dhe mjerim dhe se konfliktet duhet të parandalohen.

“Jam thellësisht i shqetësuar që tensionet në veri të Kosovës po rriten. Duhet të marrë fund kursi i përshkallëzimit, i cili u nxit kryesisht nga Kryeministri i Kosovës, Albin Kurti. Të gjitha përpjekjet tani duhet të përqendrohen në ruajtjen dhe garantimin e përhershëm të bashkëjetesës paqësore sipas Rezolutës 1244 të OKB-së. Populli i Ballkanit ka përjetuar mjaft vuajtje dhe mjerim. Prandaj, një konflikt i ri i armatosur duhet të parandalohet me të gjitha mjetet diplomatike”, tha Nastiq.