Elek: Nëse na ndodh një fatkeqësi humanitare, të gjithë akterët ndërkombëtarë do të jenë bashkëpunëtorë

Drejtori i QSK Mitrovicë , dr Zlatan Elek, në konferencën e sotme për media tha se nëse këtij objekti shëndetësor i kanoset një fatkeqësi humanitare për shkak të pamundësisë së dërgimit të barnave, oksigjenit dhe materialeve tjera mjekësore, të gjithë akterët ndërkombëtarë do të jenë bashkëpunëtorë.

Duke folur për situatën në QSK, Elek deklaroi se për momentin mungojnë solucionet fiziologjike, antibiotikët e caktuar dhe se furnizimet me oksigjen po mbarojnë.

“Të gjithë faktorët relevantë ndërkombëtarë janë të vetëdijshëm për këtë situatë”. Kemi folur edhe me shefen e UNMIK-ut, Caroline Ziade, dhe kemi shpjeguar problemet me të cilat po ballafaqohemi. Shpresojmë që fatkeqësia humanitare që na kërcënon të shmanget. Nëse nuk shmanget, bashkëpunëtorë janë të gjithë faktorët ndërkombëtarë, përfshirë UNMIK-in dhe OSBE-në, Organizatën Botërore të Shëndetësisë dhe të gjithë të tjerët”, tha Elek.

Ai shtoi se Republika e Serbisë, presidenti i Serbisë, Aleksandar Vuçiq, Ministria përkatëse e Shëndetësisë dhe Zyra për Kosovë e Metohi kanë siguruar të gjitha barnat e nevojshme, dhe arsyeja pse ato nuk janë dorëzuar duhet të kërkohet në mesin e bashkëbiseduesve në Prishtinë.

Duke komentuar deklaratat e Ministrisë së Shëndetësisë së Kosovës, e cila përgënjeshtron situatën në QSK të Mitrovicës, Eleku tha se tashmë i ka bashkangjitur dëshmitë dhe ka theksuar se burimi i këtij problemi nuk e ka origjinën nga 24 shtatori, kur qeveria e Kosovës u mbylli  kalimet administrative për shkak të ngjarjeve në Banjskë.

“Sigurisht që nuk do të flisnim për këtë temë nëse shërbimi i Ministrisë së Shëndetësisë i të ashtuquajturave autoritete në Prishtinë do të ishte kaq i përditësuar. Në periudhën nga viti 2021 kemi pasur dy kthime të barnave në vlerë prej 600 mijë eurosh, me arsyetimin se ky vendim është marrë për shkak se barnat nuk kanë udhëzime në gjuhën shqipe. Ju lutem më sillni një ampulë dygjuhëshe, nga ana jugore, dhe unë do ta pranoj këtë si një arsye të vlefshme. Në anën tjetër, një kërkesë është dorëzuar në vitin 2022, por është kthyer për shkak se Marrëveshja e Brukselit është anuluar plotësisht kur është fjala për furnizimin e barnave, e kemi fjalën për furnizimet humanitare dhe që nga ajo kohë në QSK nuk ka hyrë asgjë. Dhe më pas, kur duhej të kishim furnizime të rregullta tremujore, autoritetet në Prishtinë na vunë në një situatë që ne furnizohemi një ose dy herë në vit”, tha Elek, duke shtuar se plani perfid i Prishtinës qëndron pas gjithçkaje, që është “emigrimi i popullatës serbe nga veriu i Kosovës”.

Duke folur për furnizimin me oksigjen në QSK, Elek mohoi informacionet se nuk ka fare, por tha se po mbarojn.

“Aktualisht kemi, jemi duke bërë ndërhyrje urgjente kirurgjikale. Nuk ka ende asnjë arsye për atë lloj paniku dhe do t'ju telefonoj kur të na mbarojnë furnizimet. Situata është alarmante dhe kritike, po ashtu është e palogjikshme që një institucion i këtij lloji, me 550 shtretër, të varet nga firma e një kryetari bashkie për të importuar oksigjen. Jemi të furnizuar nga prokurimi publik qendror, i cili shpallet nga Fondi Republikan për Sigurime Shëndetësore dhe Ministria dhe kërkojmë që të na arrijnë barnat që janë të destinuara për ne dhe asgjë më shumë se kaq”, tha Elek.

Drejtori i QSK e nisi fjalimin e tij me një njoftim për ekzaminime parandaluese, pasi pas aksionit të Ministrisë së Shëndetësisë dhe FRSH fokusi është te parandalimi.

Ai gjithashtu theksoi se presidenti Aleksandar Vuçiq tha se në të gjitha spitalet janë dërguar mjaft mamografi dhe aparate rezonancë magnetike dhe theksoi se kjo do të përmirësojë cilësinë e diagnostikimit. Sipas Elekut, parandalimi është pika e parë që parandalon shfaqjen e sëmundjes dhe nxit trajtimin kur zbulohet në kohë.

“Nga 15. tetori, nga ora 08:00 deri në ora 16:00 mund të kryhen ekzaminime parandaluese në 150 institucione në Republikën e Serbisë dhe me krenari theksojmë se aty është edhe QSK Mitrovicës së Kosovës. Ftoj të gjithë qytetarët që të vijnë në QSK dhe në dy shërbimet që kryejnë ekzaminime parandaluese. Në shërbimin e radiologjisë kryhet ekografia e gjirit, e destinuar për femrat mbi 40 vjeç dhe për meshkujt ekzaminimet e prostatës, pra antigjenet specifike që duhen bërë në laboratorin tonë”, tha Elek.

Ai shtoi se nëse disa nga gjetjet tregojnë mundësinë e sëmundjes, specialistët do të ekzaminojnë të gjithë pacientët pa caktuar termin. Ai vë në dukje se nuk ka takime për këto ekzaminime, nuk ka udhëzime specialistike dhe nuk ka pritje.