Gjuriq: Kurti ka mbledhur forca të militarizuara që 20 muaj, duke orkestruar gënjeshtra për serbët e Kosovës dhe Serbinë

Ambasadori i Serbisë në SHBA, Marko Gjuriq, ka vlerësuar se në Kosovë ka vetëm dy “ngritje serioze ushtarake” dhe se asnjëra prej tyre nuk është një grumbullim i ri ushtarak i trupave serbe. E para, siç thotë ai, është grumbullimi i “forcave speciale tejet të militarizuara dhe monoetnike të Kurtit”, dhe e dyta është grumbullimi i gënjeshtrave dhe paragjykimeve ndaj serbëve të Kosovës dhe Serbisë të orkestruara nga Albin Kurti.

Gjuriq ka deklaruar në rrjetin social “X” se në tokën e pushtuar ilegalisht nga qeveria e Albin Kurtit janë ndërtuar tetë baza të reja për këto forca të militarizuara dhe monoetnike.

"Ka vetëm dy "grumbullime serioze ushtarake" në Kosovë, por asnjëra prej tyre nuk është grumbullim i forcave ushtarake të trupave serbe. Grumbullimi i parë i ri është tubimimi forcave special të Kurtit të militarizuar dhe mono-etnike, e cila vazhdon tash e 20 muaj.Tetë baza të reja për këto forca janë ndërtuar në tokat e sekuestruara ilegalisht nga qeveria e Kurtit, pavarësisht thirrjeve të SHBA-së, BE-së, madje edhe gjykatave të Kosovës.Gjatë kësaj kohe, këto forca u angazhuan në 61 sulme ilegale dhe qëlluan 7 serbë të Kosovës dhe plagosi shumë të tjerë.Si rezultat i këtij grumbullimi, 11 për qind i serbëve në veri tashmë janë detyruar të shpërngulen në Serbinë qendrore. Kjo u dënua nga SHBA dhe BE, por komuniteti ndërkombëtar nuk arriti ta parandalonte. Pavarësisht mandatit ligjor dhe moral”, ka shkruar Gjuriq.

Një tjetër “Grumbullim”, siç thotë ai, “po aq i keq” është grumbullimi i “gënjeshtrave, paragjykimeve dhe njëanshmerisë ndaj serbëve të Kosovës dhe Serbisë, të orkestruara nga Kurti, por të cilave iu bashkuan ata që sapo prisnin rastin e parë për të konfirmuar stereotipet e vjetra“, pa arritur të shikoj më thellë dhe të shoh se rolet në Kosovë kanë ndryshuar që nga vitet e 90-ta.

“Sa i përket gjoja grumbullimit serbë, e vetmja gjë që ekziston është tërheqja e forcave që kanë qenë atje prej vitesh - nga 7500 në minimumin historik prej 4000. Sepse ne jemi pala përgjegjëse, ajo që dëshiron paqen dhe përpiqet të shmangë gjakderdhjen e mëtejshme. Autorët e tragjedisë në Banjskë nga pala serbe tashmë janë përgjegjës”, tha Gjuriq dhe pyeti se kush do të përgjigjet për terrorin e vazhdueshëm të regjimit të Kurtit?

"A do të bëhet thirrje për tërheqjen e forcave të tij që janë dislokuar në veri të Kosovës, duke mos respektuar në dukje nenin 9 të Marrëveshjes së Brukselit? Apo ndoshta rregullat dhe parimet nuk vlejnë për të? Është ora e njëmbëdhjetë për të t'i jepet fund sundimit të terrorit të Kurtit në veri të Kosovës”, tha Gjuriq.

Gjuriq tha gjithashtu se jetët e humbura nuk mund të kthehen dhe se trishtimi, zemërimi dhe një mori ndjenjash të tjera do të mbeten për shkak të gjithçkaje që ndodhi javën e kaluar.

"Disa nga pasojat janë të një natyre të përhershme. Sonte dolën dëshmi se së paku një nga bashkatdhetarët tanë është ekzekutuar gjakftohtë nga njësitet e Kurtit, të cilët sipas marrëveshjes së Brukselit nuk lejoheshin të ishin në veri të Kosovës. Për shtatë ditë kemi punuarë ditë e natë me kolegët tanë në misionin serb në Uashington për të zgjeruar në qarqet politike këtu të vërtetën për terrorin që po bëhet mbi bashkatdhetarët tanë. Mendimet e mia janë gjithmonë me vuajtjet tona dhe shumë njerëzit e vuajtur në Kosovë dhe Metohi. Zoti u dhashtë forcë që të vazhdojnë të jetojnë në shtëpitë e tyre dhe neve urtësinë që të mos ndahemi në këtë fatkeqësi, por të bashkohemi. Nuk ka kufi se çfarë mund të arrijmë nëse durojmë lufta për të vërtetën dhe drejtësinë”, tha Gjuriq.