Hill: Serbia nuk është më vendi i viteve nëntëdhjetë, është koha për udhëheqje rajonale me vetëbesim

Christopher Hill, ish-ambasador i Shteteve të Bashkuara të Amerikës në Beograd, i cili këtë verë është bërë këshilltar i lartë i Iniciativës Pupin, deklaroi se Serbia nuk duhet më të shihet përmes prizmit të viteve nëntëdhjetë , por si një komb me vetëbesim, i aftë për udhëheqje rajonale.

Forumi Pupin në Uashington u hap me një bisedë një për një midis Christopher Hill dhe presidentit të Iniciativës Pupin, Vuk Velebit.

Siç thuhet në një publikim në rrjetin social “X”, Hill theksoi se Serbia nuk duhet më të shihet përmes prizmit të viteve ’90, por si një komb me vetëbesim, i aftë për udhëheqje rajonale. Ai vuri në dukje bashkëpunimin në fushën e energjisë dhe teknologjisë si një mundësi për modernizim dhe rritje të dukshmërisë globale, duke bërë thirrje për më shumë transparencë dhe komunikim me qëllim të tërheqjes së investimeve perëndimore.

Theksohet se burimet më të mëdha të Serbisë qëndrojnë te të rinjtë, arsimi dhe aftësia për t’u modernizuar përmes hapjes, vetëbesimit dhe partneritetit.