Jovanoviq: Pushtimi i “Banjës së Parajsës” akt jocivilizues, pjesë e planit të persekutimit të popullit sërb të Kosovës

Historiani Lluka Jovanoviq paralajmëron se fakti që Agjencia Kosovare e Privatizimit konfiskoi hotelin në Banjskë dhe i’a dha me qera Policisë Kosovare, duhet kuptuar si pjesë e planit më të gjerë global për marrjen e gjithçkaje sërbe dhe dëbimin e popullit sërb nga Kosova.

Jovanoviq thekson se pushtimi i pushimores "Banja e Parajsës" dhe shndërrimi në qendër "mizorie dhe paligjshmërie" është akt jocivilizues por populli sërb as edhe kësaj radhe nuk do të ketë mbrojtjen dhe mbështetjen e bashkësisë ndërkombëtare ku siç thotë ai, është “partner, nëse jo kontributor i të gjitha aksioneve të Prishtinës në veri të Kosovës e Metohisë”.

“Banjska gjatë shekujve ka qenë simbol i mbijetesës dhe luftës së popullit sërb për jetë në këtë hapësirë ku siç dëshmon edhe manastiri shekullor që ndodhet në vetë Banjskën. Viteve të fundit mund të shikohet se jeta në Banjskë, si pjesë rurale e komunës së Zveçanit, është përmirësuar mjaft dhe është riparuar veçanërisht me ndërtimin e kompleksit të famshëm 'Banja e Parajsës' pra punësimin e popullatës vendase. Banjska, popullsia dhe ekonomia e saj kanë avancuar dhe është bërë atraksion i rëndësishëm turistik në veri të Kosovës, pra në Komunën e Zveçanit”, tha Jovanoviq për Kosovo Onlajn.

Ndaj, thekson ai, ky aksion i fundit i Prishtinës duhet kuptuar në kontekstin e shembjes së çdo institucioni sërb në veri të Kosovës, veçanërisht atyre që janë të fortë dhe që kanë themele të forta, të pranuara dhe të rrënjosura në popull, ashtu sikurse “Banja e Parajsës”.

Jovanoviq thekson se vitet e fundit “Banja e Parajsës” është vizituar edhe nga të huajt, jo vetëm sërbët, por edhe shqiptarët dhe të gjithë ata që kanë ardhur për t’u shëruar.

“Çështja është interesante dhe ironia e fatit që vendi që përdorej për relaksim dhe shërim, tashmë po e kthen si seli për forcat e të ashtuquajtura policore në vendin e mizorisë dhe paligjshmërisë. Tani banja e parajsës nga tipar i bukur në një tipar kaq negativ. Aty në fakt mund të shikoj vetë parimin me të cilin punon Prishtina, se është e rëndësishme vetëm të marrësh përsipër gjithçka dhe është e rëndësishme vetëm të pushtosh gjithçka që është sërbe, pavarësisht për pasojat”, theksoi Jovanoviq.

Historiani vlerëson se Prishtina marrjen e pushimores nga sërbët, e konsideron si fitore të vetën.

“Ne të gjitha këto duhet t’i kuptojmë para së gjithash në kontekstin e pushtimit. Ky është një pushtim klasik ushtarak i territorit, pra pushtim i pikave dhe objekteve me rëndësi strategjike, shkatërrim i çdo forme rezistence dhe rezistencë ndaj një barbarie të tillë. Duhet të kuptojmë se ky nuk është fundi dhe se gjëra të tilla do të vazhdojnë edhe në të ardhmen dhe populli tashmë si kurrë më parë ka arsye për t'u frikësuar në këto hapësira", paralajmëron ai.

Pyetjes nëse bashkësia ndërkombëtare do të reagojë ndaj kësaj lëvizjeje të Prishtinës, Jovanoviq thekson se edhe para se të konkludohej se bashkësia ndërkombëtare është partner absolut, nëse jo sponsorizues dhe ideolog i të gjitha aksioneve në veri të Kosovës.

“Gjithësesi japin sugjerime për shumë aksione që duhen zbatuar, por të presësh që ata të dënojnë dhe të reagojnë, mendoj se është iluzive në këtë moment, veçanërisht t'u kërkosh atyre prometeun e civilizimit, të respektojnë rregullat dhe pasuritë civilizuese kjo është e tepërt në këtë moment, pasi ata në shembullin e K&M në 25 vitet e fundit kanë dëshmuar se nuk egziston e drejta dhe ligji dhe se pas çdo gjëje, sundon vetëm ligji i forcës”, përfundoi Jovanoviq.