Kantrimen: Shekerinska personi i duhur për postin e Zëvendës Sekretarit të Përgjithshëm të NATO-s

Ish-ndihmës sekretari amerikan i shtetit për Evropën, Tomas Kantrimen, theksoi se nuk është çudi që Sekretari i Përgjithshëm i NATO-s Mark Rute emëroi zëvendëskryeministren për Integrime Evropiane dhe ministren e Mbrojtjes së Maqedonisë së Veriut, Radmilla Shekerinska, pasi, siç thotë, ajo është një grua shumë e aftë dhe inteligjente.

Kantrimen thekson se nuk është vendimtare se nga cili vend vjen zëvendëssekretari i përgjithshëm i NATO-s, por nëse është personi më i kualifikuar për atë pozitë.

Ai thotë se njohja e diplomacisë dhe mbrojtjes luan një rol vendimtar në përzgjedhje.

“Nuk është befasi. Ajo është një grua shumë e aftë dhe inteligjente. Unë personalisht njoh tre zëvendëssekretarë të përgjithshëm të NATO-s, dhe ata janë të gjithë kaq të zgjuar dhe të aftë. Bëhet fjalë për diplomaci dhe mbrojtje. Nuk bëhet fjalë nëse është nga ky apo ai vend, por nëse është më e kualifikuara për këtë pozicion. Unë kam jetuar në këtë zonë, njerëzit këtu mendojnë se kjo është qendra e Evropës, nëse jo qendra e universit, por ndonjëherë nuk bëhet fjalë për ekuilibër mes shteteve të ndryshme, por kush është më i aftë për këtë vend”, vlerëson Kantrimen.