Kraus: Kosova nuk duhet të bëhet kurrë pjesë e BE-së

Shefi i grupit parlamentar të Partisë së Lirisë së Austrisë në Kuvendin e Vjenës, Maksimillian Kraus, me rastin e dorëzimit të kërkesës së Prishtinës për anëtarësim në BE-në, thotë se Kosova nuk duhet të bëhet kurrë pjesë e Bashkimit.

"Kosova është një "shtet" i supozuar ekonomikisht i paqëndrueshëm, ku korrupsioni, islamizmi dhe represioni ndaj pakicës serbe janë dukuri e përditshme. Kosova kurrë nuk duhet të bëhet pjesë e BE-së", ka shkruar Kraus në profilin e tij në Twitter.

Ai kritikoi Ministren e Austrisë për Çështje Evropiane, Karolina Edstadtler, për mbështetjen e saj ndaj kërkesës të Kosovës.