Milkoviq: Besoj se gjykata do ta lejojë Millenkoviqin të mbrohet nga liria

Avokati mbrojtës i Millun Millenkoviqit, Predrag Milkoviq, ka bërë të ditur se para fillimit të gjykimit, i ka propozuar gjykatës që paraburgimi për Millenkoviqin të zëvendësohet me arrest shtëpiak me kusht dhe se nuk ka asnjë arsye pse Gjykata e Apelit nuk do ta pranonte atë propozim dhe se është optimist.

Milkoviq deklaroi se mbrojtja ia la gjykatës dhe prokurorisë të përcaktojnë shumën me të cilën Millenkoviq do të lirohet për t'u mbrojtur.

“Sot ka përfunduar shqyrtimi paraprak, unë si avokat mbrojtës i Millun Millenkoviqit i kam dorëzuar gjykatës një propozim të detajuar në lidhje me lirimin me kusht para se të fillonte gjykimi. Ne kemi ofruar një shumë pak më të lartë, pra ia kemi lënë prokurorisë dhe gjykatës të përcaktojnë se çfarë shumë është e nevojshme që ai propozim të miratohet. Millenkoviqi sot e ka deklaruar të pafajshëm, ne si mbrojtje kemi 30 ditë për të kundërshtuar aktakuzën dhe provat. E përsëris se ai është i vetmi që mbrohet nga paraburgimi në këtë rast dhe mendojmë se është e drejtë që të merret masa e kushtit, në mënyrë që ai të paraqesë mbrojtjen nga liria”, tha Milkoviq.

Siç shtoi ai, Millenkoviq nuk ka asnjë arsye për të arratiset.

“Unë jam optimist dhe mendoj se është gjëja e duhur ta lëmë të mbrohet nga liria. Shembulli më i mirë janë të bashkëakuzuarit e tjerë që mbrohen nga liria dhe që i përgjigjen thirrjeve të gjykatës, Millenkoviq nuk ka arsye të arratiset”, ka theksuar Milkoviq.

Mbrojtësi i Dejan Pantiqit, avokati Lubomir Pantoviq, theksoi se prokuroria nuk ka propozuar një dëshmitar të vetëm që do t'i vërtetojë pretendimet në aktakuzë dhe paralajmëroi se do ta shfrytëzojnë afatin prej një muaji për të kundërshtuar provat dhe aktakuzën.

“Përshtypja jonë e parë është se aktakuza nuk është e mbështetur me prova. Është interesante të thuhet se Prokuroria nuk ka propozuar asnjë dëshmitar që do t'i vërtetojë pretendimet e aktakuzës, madje nuk është propozuar as të dëgjohen të pandehurit në shqyrtimin gjyqësor, gjë që është shumë e pazakontë. Do ta shfrytëzojmë të drejtën për të paraqitur kundërshtime ndaj aktakuzës dhe provave dhe pas kësaj na pret shqyrtimi kryesor”, tha Pantoviq.