Millenkoviq: Hyrja në SHKP kërcënoi të drejtën elementare për punë dhe jetë të serbëve në këto zona

Natasha Millenkoviq, zëvendësdrejtoreshë e Shërbimit Kombëtar të Punësimit në Mitrovicën Veriore, theksoi se e drejta themelore për punë dhe jetë e serbëve në këto zona është e kërcënuar me mbylljen e këtij institucioni.

“Fatkeqësisht, edhe sot, Prishtina ka vazhduar të pushtojë institucionet serbe, këtë herë në një institucion që ofron shërbime për një numër të madh të të papunëve, pavarësisht kombësisë dhe fesë”, thekson Millenkoviq.

Ajo shton se kjo ndërhyrje kërcënon jetën dhe ekzistencën jo vetëm të punonjësve të SHKP-së, por edhe të shumë përfituesve, shumë prej të cilëve jetojnë ekskluzivisht me ndihmë sociale.

“Duke hyrë në ambientet tona, ata jo vetëm që rrezikuan jetën e njerëzve që ishin aty dhe që punonin, por gjithashtu ua mohuan të drejtën për jetë dhe punë punonjësve dhe përdoruesve të shumtë të shërbimeve tona, kryesisht përdoruesve të ndihmave sociale, të cilët nuk do të jenë në gjendje të ushtrojnë të drejtat sociale dhe të tjera”, thotë Millenkoviq.