Millenkoviq: Nuk ka presione konkrete nga komuniteti ndërkombëtar të drejtuara drejt zgjidhjes së krizës politike

Marko Millenkoviq nga organizata joqeveritare "Nisma e Re Shoqërore" nga Mitrovica e Veriut thotë për Kosovo online se ekzistojnë disa mendime se me ndryshimin e pushtetit Kosova do të rivendoste një bashkëpunim më të mirë me komunitetin ndërkombëtar, por thekson se në këtë moment është e vështirë të vlerësohet cili është interesi i aleatëve të Kosovës.

Ai vëren se nuk ekzistojnë aktivitete konkrete dhe as presione nga komuniteti ndërkombëtar të drejtuara drejt zgjidhjes së krizës politike në Prishtinë.

"Herë pas here kemi disa deklarata që kryesisht kanë të bëjnë me thirrjet që subjektet politike të orientohen drejt zgjidhjes së situatës dhe të arrijnë kompromis, por asgjë konkrete. Ekzistojnë thirrje nga komuniteti ndërkombëtar që presionet mbi Gjykatën Kushtetuese nuk janë të pranueshme dhe se është e nevojshme të ulen tensionet dhe të zhbllokohen institucionet", tha Millenkoviq.

Ai është i mendimmit se është e rëndësishme të kuptohet se qeveria e Vetëvendosjes deri diku i ka dëmtuar marrëdhëniet me komunitetin ndërkombëtar dhe se ndoshta që nga viti 2008 statusi i Kosovës në komunitetin ndërkombëtar është më kritik.

“Marrëdhënia mes komunitetit ndërkombëtar dhe Kosovës është nën sfida të caktuara, sepse qeveria e mëparshme ndërmori shumë hapa të njëanshëm dhe nuk dëshironte të bënte kompromise,” vlerëson ai.
Me një ndryshim të mundshëm të pushtetit, siç beson, ka gjasa që të ndodhë një lloj ndryshimi, ndërsa nëse Vetëvendosje mbetet si aktori kryesor edhe në periudhën e ardhshme, ai nuk pret shumë ndryshime.

“E pamë që ata nuk e shohin bashkëpunimin me komunitetin ndërkombëtar si faktor kyç për realizimin e pozicioneve në komunitetin ndërkombëtar. E dimë se Kosovës ende i mungon përparimi drejt anëtarësimit në organizata ndërkombëtare, si edhe në lidhje me njohjet ndërkombëtare. Vetëvendosja ka ndikuar që komuniteti ndërkombëtar të mos merret më aq aktivisht me avokimin për Kosovën. Madje edhe aleatët që kanë qenë aktivë në këtë drejtim gjatë viteve të fundit, nuk janë më aq. Para së gjithash administrata amerikane, ku kemi pasur një ndryshim pushteti,” konsideron Millenkoviq.

Në këtë moment, siç thotë ai, duket se të gjithë po presin të shohin nëse administrata e re amerikane do të përfshihet më aktivisht në çështjen e Kosovës, e mësuar nga shembulli i Marrëveshjes së Uashingtonit nga mandati i mëparshëm i Donald Trump se iniciativa mund të vijë papritur, pa shumë hapësirë për negociata, por duke imponuar një marrëveshje ose zgjidhje të caktuar që opsionet politike në atë moment duhet ta pranojnë.

"Nga ana tjetër, kemi Bashkimin Evropian, i cili është mjaft joaktiv, ndoshta i preokupuar me probleme të tjera, kryesisht midis Ukrainës dhe Rusisë, por edhe me probleme në vetë BE-në. Ne nuk kemi forcën e BE-së si një faktor stabiliteti që mund të sjellë ndonjë zgjidhje dhe që mund të ndikojë në disa vendime politike në Prishtinë, sepse marrëdhënia midis qeverisë së mëparshme të Vetëvendosjes dhe BE-së nuk ishte pikërisht një përrallë. Kishte mosmarrëveshje, ka ende disa tani," konstaton ai.

Që opozita të ketë mundësinë të marrë iniciativën, siç shpjegon ai, është e nevojshme që Vetëvendosja ta zhbllokojë procesin sepse ende e mban situatën në dorë. Ai beson se zhbllokimi i institucioneve do të ndodhte nëse Gjykata Kushtetuese do të propozonte që në Kuvend të propozohej një kandidat për kryetar nga radhët e opozitës.

"Në një situatë të tillë, ndoshta Vetëvendosja do të detyrohej të bënte një lloj kompromisi, sepse në javët dhe muajt e fundit kemi parë se ata nuk duan sepse janë të sigurt se nuk mund të formojnë një qeveri dhe se për ta kjo do të thoshte një rrugëdalje nga situata në të cilën ata ende mbajnë pozicionin e pushtetit." Me disa ndryshime në kushte, ndoshta do të përfundonim në një situatë ku opozita do të luante një rol më aktiv në zgjidhjen e problemit”, thotë bashkëbiseduesi ynë.

PDK, si partia që fitoi më shumë vota pas Vetëvendosjes, dhe LDK, beson ai, mund të jenë në gjendje të bëjnë një kompromis dhe të ndryshojnë situatën në institucione.

“Megjithatë, mendoj se jemi ende më afër zgjedhjeve të reja sesa disa kompromiseve politike”, përfundon Millenkoviq.