Misioni i Përhershëm i Serbisë në OKB në Gjenevë: Kërkojmë përgjigje adekuate nga Komiteti Ndërkombëtar i Kryqit të Kuq

Misioni i përhershëm i Republikës së Serbisë pranë Kombeve të Bashkuara në Gjenevë ka reaguar ndaj hyrjes së sotme të Policisë së Kosovës në objektin e Kryqit të Kuq të Kosovës dhe Metohisë në Gazivodë, përmes një note dërguar Komitetit Ndërkombëtar të Kryqit të Kuq, duke kërkuar reagim të duhur nga kjo organizatë ndërkombëtare në mënyrë që të merren hapa konkretë për shkak të, siç thuhet, “operacionit të paligjshëm aktual” të autoriteteve në Prishtinë, mëson Kosovo online nga burime diplomatike.

Misioni i Përhershëm i Serbisë në OKB në Gjenevë kërkon përgjigje adekuate nga Komiteti Ndërkombëtar i Kryqit të Kuq, duke e dënuar këtë akt të autoriteteve të Prishtinës, sepse edhe kontrolli është bërë pa praninë e stafit, të cilëve madje nuk u është lejuar as hyrja në objekt, thuhet në korrespondencën e Misionit në të cilën redaksia jonë kishte qasje.

Përveç kësaj, sipas burimeve tona, ambasadori i Serbisë në OKB në Gjenevë, Millan Millanoviq, ka biseduar me zyrtarët përgjegjës të KNKK-së dhe ka kërkuar reagim urgjent të kësaj organizate ndërkombëtare ndaj hyrjes së sotme në ambientet e Kryqit të Kuq të Kosovës dhe Metohisë, i cili është pjesë e organizatës ndërkombëtare të Kryqit të Kuq.