Në rrjetet sociale po qarkullon një video nga marrja në pyetje e serbit

Në rrjetet sociale është shfaqur një video nga marrja në pyetje e serbit Nenad Orlloviq, i cili u arrestua nga forcat speciale të Kosovës të premten në Mitrovicën e Veriut, në të cilin ai shihet pa rroba deri në bel, por me thes të zi mbi kokë dhe fytyrën, ndërsa duart i ka të lidhura pas shpine.

Orlloviqi është arrestuar dje pasi ishte rrethuar nga pjesëtarët e Policisë Speciale të Kosovës, ndonëse as që ka tentuar të arratiset.

Ai u ndalua nga policia deri në 48 orë, ndërsa avokati i tij Nebojsha Vllajiq tha se policia e akuzon për trazira të 29 majit në Zveçan dhe për qëndrimin në barrikadat e dhjetorit në veri.

Kjo video, në të cilën Orlloviq është në një pozitë poshtëruese, lakuriq, cenon të drejtat dhe dinjitetin e tij njerëzor.

Drejtori i Zyrës për Kosovë e Metohi, Petar Petkoviq, ka përmendur më herët gjatë ditës së sotme se një video e tillë po qarkullon në rrjetet sociale.

“Kanë publikuar një video të turpshme të Orlloviqit, i ulur pa rroba deri në bel – kështu e arrestuan, sepse njeriu punon në lavazh – në dhomën ku po merret në pyetje, me një çantë të zezë në kokë... Dhe me muzike dhe komente te ndryshme, e përhapnin në rrjetat dhe mburren me torturimin e nje serbi... si dhe të gjithë serbët e arrestuar më parë... Orlloviqi u arrestua ne lavazh, pranë Shkëmbit të Dudës, burri nuk fshihej... E arrestuan kështu, pastaj çojeni në dhomën e marrjes në pyetje, torturoni, i vunë thasë në kokë dhe e lëshonin në rrjeta që të gëzojnë të rinjtë shqiptarë...”, tha Petkoviq.

Përfaqësuesi i lartë i BE-së për politikë të jashtme dhe siguri, Gjuzepe Borel, tha dje se Bashkimi është shumë i mërzitur për situatën në veri të Kosovës dhe arrestimin e serbëve pa bazë ligjore.

“Jemi shumë të shqetësuar nga situata në veri të Kosovës – arrestimi i serbëve të Kosovës pa bazë ligjore dhe marshimi i Forcave të Sigurisë së Kosovës nëpër Mitrovicën e Jugut, i ndjekur nga retorika e rëndë nga Serbia”, ka shkruar Borel në Twitter.