Një tjetër gjykim i Vukotiqit në Prishtinë; Vllajiq: Ai gjykohet çdo dy vjet për një ngjarje të re, kjo nuk është shënuar

Në Gjykatën Themelore në Prishtinë është duke u zhvilluar një gjykim tjetër i Zoran Vukotiqit në lidhje me krimin e dyshuar të luftës të kryer në territorin e komunës së Vushtrrisë, ka konfirmuar për Kosovo online avokati i tij Nebojsa Vllajiq

“Në vend që ta gjykojnë menjëherë, ata e gjykojnë çdo dy vjet për një ngjarje të re. Kjo nuk është shënuar në histori. Ai po gjykohet për një krim të dyshuar lufte të kryer në territorin e komunës së Vushtrrisë”, tha Vlajiq.

Në seancën e sotme Vukotiqin e përfaqëson avokati Lubomir Pantoviq.

Kujtojmë se më 7 nëntor Gjykata Supreme e Kosovës ka konfirmuar aktgjykimin e Zoran Vukotiqit, i cili tashmë ishte dënuar me 13 vjet burg për krime lufte kundër popullatës civile.

Vllajiq më pas tha se do të paraqesë kërkesë për mbrojtjen e ligjshmërisë për shkak se dënimi i Vukotiqit e ka tejkaluar masën maksimale ligjore.

“Në një procedurë tjetër, ai u dënua me gjashtë vjet e gjysmë për të njëjtin krim lufte dhe kur bashkohen këto dy dënime, janë më shumë se 15 vjet, gjë që nuk është e mundur të shqiptohet”, tha Vllajiq pas vendimit të Gjykatës Supreme.

Në vitin 2018, Vukotiqi tashmë ishte shpallur fajtor dhe dënuar me gjashtë vjet e gjysmë burgim për krime lufte kundër popullatës civile, d.m.th për keqpërdorim të pretenduar të civilëve shqiptarë të mbajtur në burgun në Smrekonicë nga 3 maj 1999 deri në fillim të qershorit të 1999.