Novakoviq: Nuk ka shanse që Kosova të anëtarësohet në NATO

Bashkëpunëtori i lartë i Qendrës për Çështje Ndërkombëtare dhe të Sigurisë, Igor Novakoviq, vlerësoi se pavarësisht deklaratave të zyrtarëve të Prishtinës dhe disa analistëve perëndimorë, nuk ka shanse që Kosova të bëhet anëtare e NATO-s pa mbështetjen e atyre vendeve që nuk e njohin atë pavarësin.

"Gjërat janë shumë të thjeshta. Nuk mendoj se ka ndonjë shans", tha Novakoviq për Kosovo online.
Ai tha se anëtarësimi në Asamblenë Parlamentare të NATO-s nuk e solli Kosovën më afër anëtarësimit.

"Ky organ është i një natyre më informale, nuk lidhet drejtpërdrejt me NATO-n, d.m.th. nuk është një pasqyrim i vullnetit të qeverive të NATO-s, por përbëhet nga deputetë dhe vendimet merren me shumicë të thjeshtë", tha ky analist.

Ai thekson se në NATO zbatohet rregulli i konsensusit kur bëhet fjalë për pranimin e anëtarëve të rinj.

"Pra, derisa të gjitha shtetet anëtare të bien dakord, nuk ka shanse që Prishtina të anëtarësohet në Aleancën e Atlantikut të Veriut", specifikoi Novakoviq.

Ai kujtoi se Kosova nuk është as anëtare e programit të Partneritetit për Paqe, të cilin shumë e quajnë "paradhoma e NATO-s".

"Kosova nuk është as anëtare e këtij programi, kështu që kjo është më shumë një çështje spekulative që vjen nga ekspertë optimistë, por në thelb, derisa të bien dakord të gjitha shtetet anëtare, asgjë nuk do të dalë prej saj", përfundoi Novakoviq.