Pavkoviq: Akterët ndërkombëtarë nuk janë të kënaqur me situatën në Kosovë, por nuk do të ushtrojnë presion

Millosh Pavkoviq, Drejtor i Strategjisë në Qendrën për Politika Evropiane nga Beogradi, tha për Kosovo online se, për shkak të krizës në Lindjen e Mesme, fokusi i diplomatëve nga Perëndimi nuk do të jetë Kosova, por se ata sigurisht nuk e shohin me sy të mirë krizën institucionale me të cilën po përballet Kosova.

Pavkoviq theksoi se aktorët ndërkombëtarë nuk janë të kënaqur me situatën politike në Kosovë, por se nuk do të ndërhyjnë drejtpërdrejt dhe nuk do të ushtrojnë presion mbi akterët politikë.

"I dërguari i BE-së për dialogun, Peter Sorensen, ishte së fundmi në Prishtinë. Që nga formimi i qeverisë, ai vizitoi dy herë Prishtinën dhe shprehu pritjet e Bashkimit Evropian për të organizuar një takim të nivelit të lartë, i cili nuk do të ndodhë nëse qeveria bie. Pra, sigurisht që nuk do ta shohë me sy të mirë. Në parim, akterët ndërkombëtarë nuk janë shumë të kënaqur me atë që po ndodh, por gjithashtu nuk pres që ata të ndërhyjnë drejtpërdrejt dhe të ushtrojnë presion mbi aktorët politikë, veçanërisht sepse sytë e publikut, mbi të gjitha diplomatëve, janë drejtuar në pjesë të tjera të botës, siç janë Izraeli dhe Irani dhe konflikti në Lindjen e Mesme. Pra, më duket se nuk ka kapacitet ose dëshirë për t'u marrë më seriozisht me krizën institucionale në Kosovë", thotë Pavkoviq.

Lidhur me fondet nga Plani i Rritjes, Pavkoviq thekson se Kuvendi i Kosovës i mbledhjes së dhjetë në një periudhë të shkurtër kohore ratifikoi marrëveshjet me të cilat i paguhen burime të caktuara financiare Kosovës dhe se nuk beson se kjo do të ndalet nëse Kosova bie në një krizë të re politike.

"Mendoj se kushti ishte ratifikimi i marrëveshjes dhe miratimi i axhendës së reformave, gjë që kjo asamble arriti ta bëjë në këtë periudhë të shkurtër. Mendoj se këto kushte janë përmbushur. Sigurisht që do të ketë një vonesë në zbatimin e hapave për transhet e ardhshme, por nuk besoj se do të ketë probleme me financimin e mëparshëm", përfundoi bashkëbiseduesi ynë.