Petkoviq: A ekziston ndonjë deklaratë e Vjosa Osmanit që nuk fillon me sulm ndaj Beogradit?

Drejtori i Zyrës për Kosovë dhe Metohi, Petar Petkoviq, ka reaguar ndaj pretendimit të presidentes së Kosovës, Vjosa Osmani, se Kosova me mbështetjen e NATO-s ka refuzuar të gjitha përpjekjet për destabilizim nga Serbia, duke pyetur nëse ekziston ndonjë deklaratë e saj që nuk fillon me gënjeshtra dhe sulm ndaj Beogradit.

Petkoviq ka konstatuar se „obsesioni i tillë me Vuçiqin dhe Serbinë është i pabesueshëm“.

„A ekziston ndonjë deklaratë e Vjosës që nuk fillon me gënjeshtra dhe sulm ndaj Beogradit? Obsesioni i tillë me presidentin Vuçiq dhe Serbinë është i pabesueshëm! Për këtë simptomë patologjike të Vjosës dhe Kurtit, dinë shumë nga bashkësia ndërkombëtare, të cilët thonë se është rregull që 15 minutat e para të bisedës me ta hidhen në ujë“, ka shkruar Petkoviq në rrjetin social „X“.

Osmani, në një intervistë për një stacion televiziv polak pas pjesëmarrjes në Forumin Evropian në Alpbah, tha se Kosova është e gatshme të bashkohet me Bashkimin Evropian, ndërsa duke folur për marrëdhëniet me Serbinë, theksoi se Kosova me mbështetjen e NATO-s ka refuzuar me sukses të gjitha përpjekjet për destabilizim.