Radakoviq për pranimin e Kosovës në KE: Kam frikë nga monitorimi i BE-së, se sa do të jetë i vlefshëm

Drejtori ekzekutiv i OJQ-së Qendra për Përfaqësimin e Kulturës Demokratike nga Mitrovica e Veriut Dushan Radakoviq beson se pranimi i Kosovës në Këshillin e Evropës do të ishte një plus i madh për Lëvizjen Vetëvendosje, por se nuk do të ishte e mençur për Serbinë të largohen nga ky institucion.

“Mendoj se është një tërheqje dhe dëshirë e madhe, para së gjithash, e autoriteteve të Vetëvendosjes, sepse ne e dimë që në dy vitet e mëparshme nuk ka pasur njohje apo hyrje në disa institucione të mëdha ndërkombëtare, kështu që ky është një plus i madh. Paradoksalisht, në kohën e disa kuazisanksioneve të BE-së për Kosovën, pranimi i Kosovës bëhet në një mënyrë, ende nuk është 100 për qind i sigurt, ka votim, por është padyshim një plus i madh për Vetëvendosjen dhe politikat qeverisëse. Serbia do të luftojë sipas mënyrave të veta, e cila është mundësia do të shohim. Patjetër një minus për Serbinë dhe në përgjithësi në veprimin dhe bashkëpunimin me BE-në dhe KE, në përgjithësi”, thotë ai.

Radakoviq thotë se nuk do të ishte e mençur që Serbia të tërhiqej nga KE, sepse ajo mund të sugjerojë dhe të bëjë propozime për problemet në Kosovë.

“Qëndrimi i Serbisë do të thotë që ajo vazhdon të ushtrojë presion, që nëse Kosova është pjesë e saj, ajo parandalon, sugjeron, bën propozime në lidhje me mbrojtjen e trashëgimisë kulturore, problemet pronësore, vendimet që do të merren në Strasburg, e kështu me radhë. Mendoj se është e rëndësishme që “Serbia të jetë aty dhe t'i japë një shtysë dhe rëndësi edhe më të madhe të gjithë procesit”, thekson bashkëbiseduesi.

Radakoviq thekson se është i shqetësuar për procesin e monitorimit të të drejtave në Kosovë, sepse thotë se ka institucione që nuk e bëjnë punën e tyre, siç janë organizatat dhe institucionet që merren me të drejtat e njeriut.

“Ai proces do të monitorohet, por kam frikë se kemi pasur një situatë në 2007 dhe 2006, standarde para statusit, kështu që papritmas u humbën ato standarde, ne e patëm statusin në 2008, diçka e tillë më kujtohet takimi me Dora Bakojanin ku u tha se kemi tri gjera te rendesishme - shpronesimin, pronen e Manastirit të Deçanit dhe komunitetin, ne kemi vetem pronen e Deçanit, per te tjerat nuk diskutohet, kam frike se ne nuk kemi një standard para statusit, se nuk kemi konkrete se kush do ta mbikëqyrë të gjithë këtë. Në fund kam frikë nga monitorimi i BE-së, se sa do të jet autoritar dhe cilësor dhe të mos kemi një kopje të EULEX-it që monitoron procesin dhe se zbatimi është shumë e diskutueshëm”, thotë Radakoviq.