Radojeviq me Lopes: EULEX që në ditët e ardhshme duhet ta arsyetojë mandatin e tij

Kryetari i Mitrovicës së Veriut, Milan Radojeviq, bisedoi me shefin e ri të EULEX-it, Antero Lopes, të cilin e uroi për marrjen e drejtimit të Misionit dhe porositi se ai që në ditët e ardhshme duhet ta arsyetojë mandatin e tij.

„Në një kohë kur sundimi i ligjit po vihet seriozisht në pikëpyetje, ndërsa të drejtat e popullit serb shkelen çdo ditë, Misioni i EULEX-it ka përgjegjësi të madhe që ta arsyetojë rolin e tij dhe të kontribuojë në rikthimin e besimit të qytetarëve në sundimin e ligjit“, shkroi Radojeviq në Instagram.

Ai shtoi se që në ditët e ardhshme EULEX-i dhe KFOR-i duhet ta arsyetojnë mandatin e tyre dhe të garantojnë sigurinë për të gjithë qytetarët.